- Ач уят къоймаз.
- Къарнынг ауруса, ауузунгу тый
- Кёб джат да, бек чаб.
- Нарт сёз къарт болмаз.
- Сууда джау джокъ, кёб сёзде магъана джокъ.
- Гырджын – тепсини тамадасы.
- Билимсиз иш бармаз.
- Кёзюнде тереги болгъан, чёбю болгъаннга кюле эди.
- Тил – миллетни джаны.
- Этни да ашады, бетни да ашады.
- Бети къызарыучу адамны, джюреги харам болмаз.
- Ана – юйню кюн джарыгъы.
- Нёгер болсанг, тенг бол, тенг болмасанг, кенг бол.
- Кёлсюзден сёзсюз тууар.
- Абынмазлыкъ аякъ джокъ, джангылмазлыкъ джаякъ джокъ.
- Джолда аягъынга сакъ бол, ушакъда тилинге сакъ бол.
- Байлыкъ болгъан джерде, тынчлыкъ джокъду.
- Ёксюзню тилеги къабыл болур.
- Огъурлуну сёзю – суу, огъурсузну сёзю – уу.
- Аман къатын алгъан, арыр, иги къатын алгъан джарыр.
- Бойнуму джети джерден кессенг да, мен ол ишни этеллик тюлме.
- Окъуусуз билим – джокъ, билимсиз кюнюнг – джокъ.
- Мадар болса, къадар болур.
- Аманны къуугъан, аманлыкъ табар.
- Ауругъан – джашаудан умутчу.
- Адамны сыфатына къарама, сёзюне къара.
- Джыгъылгъанны сырты джерден тоймаз.
- Гитче джилтин уллу элни джандырыр.
- Кюн кёрмеген, кюн кёрсе, кюндюз чыракъ джандырыр.
- Насыб бютеу халкъны юлюшюдю.
- Тюз сёз баргъан сууну тыяр.
- Чарсда алчыны эл кёреди.
- Болджал ишни бёрю ашар.
- Аш кетер да бет къалыр.
- Эрине къаргъыш этген къатын, эрнин къабар.
- Таукел тауну аудурур.
- Мухарны эси – ашарыкъда.
- Ачлыкъда тары гырджын халыуадан татлы.
- Чомарт къолда мал къалмаз.
- Сёз сёзню айтдырыр.
- Олтуруб кёрюнмей эди да, ёрге туруб кёрюне эди.
- Чомартха Тейри да борчлуду.
- Атадан ёксюз – бир ёксюз, анадан ёксюз – эки ёксюз.
- Татлы тилде – сёз ариу, чемер къолда – иш ариу.
- Хунаны тюбюн къазсанг, юсюнге ауар.
- Билеги кючлю, бирни джыгъар, билими кючлю, мингни джыгъар.
- Джогъун бар этген, барын бал этген.
- Тюзлюк шохлукъну бегитир.
- Джумушакъ терекни къурт ашар.
- Сабийни джумушха джибер да, ызындан бар.
Профиль
|
|
|
|||