- Кёбден умут этиб, аздан къуру къалма.
- Биреуге аманлыкъ этиб, кесинге игилик табмазса.
- Къарнынг тойгъунчу аша да, белинг талгъынчы ишле.
- Айтханы чапыракъдан ётмеген.
- Чакъырылмагъан къонакъ къачан кетерин сормаз.
- Уллу суу бла уллу ауруудан башынгы сакъла.
- Ариу сёз джыланны орнундан чыгъарыр.
- Эл ауузу – элек, анга ийнаннган – халек.
- Къазанны башы ачыкъ болса, итге уят керекди.
- Ашхы сёз таш тешер.
- Аман адамны тепсинге олтуртсанг, къызынгы тилер.
- Ёмюрлюк шохлукъну джел элтмез.
- Мал ёлсе, сюек къалыр, адам ёлсе, иши къалыр.
- Aдам боллукъ, сыфатындан белгили.
- Терслик кетер, тюзлюк джетер.
- Тойгъа барсанг, тоюб бар, эски тонунгу къоюб бар.
- Босагъа таш юйге кирмей эди, тыбыр таш эшикге чыкъмай эди.
- Ёлген эшек бёрюден къоркъмайды.
- Ач, тоймам, дейди, тойгъан, ач болмам, дейди.
- Башы джабылгъан челекге, кир тюшмез.
- Аманны тукъумуна къарама, игини тукъумун сорма.
- Юйюнг бла джау болгъандан эсе, элинг бла джау бол.
- Иги адамны бир сёзю эки болмаз.
- Таукел къуру къалмаз.
- Айырылмаз джууугъунга, унутмаз сёзню айтма.
- Ётюрюкню къуйругъу – бир тутум.
- Ариу сёз аурууунгу алыр.
- Иши джокъну, сыйы джокъ.
- Харам къарнашдан, халал тенг ашхы.
- Ургъан суудан башынгы сакъла.
- Таукел адам тау тешер.
- Ауругъанны сау билмез, ач къарынны токъ билмез.
- Ушамагъан – джукъмаз.
- Иги болса, тамадама – махтау, аман болса, меннге – айыб.
- Сакъ юйюне сау барыр.
- Акъдан къара болмаз.
- Хатерли къул болур.
- Айырылгъанланы айю ашар, бёлюннгенлени бёрю ашар.
- Билимден уллу байлыкъ джокъду.
- Эртде тургъан джылкъычыны эркек аты тай табар.
- Акъыллы – эл иеси, тели – эл баласы.
- Эринчекге кюн узун.
- Тамырсыз терекге таянма – джыгъылырса.
- Джашынгы кесинг юретмесенг, джашау юретир.
- Уллу айтханны этмеген – уллаймаз.
- Таукел тауну аудурур.
- Мухардан ач ычхынмаз.
- Аман къатын сабий табса, бий болур…
- Къаллай салам берсенг, аллай джууаб алырса.
- Ариу сёз – къылычдан джити.
Профиль
|
|
|
|||