- Ургъан суудан башынгы сакъла.
- Бек ашыкъгъан меннге джетсин, дегенди аракъы.
- Тели турса – той бузар.
- Тамырсыз терекге таянма – джыгъылырса.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Ана – юйню кюн джарыгъы.
- Ойнаб айтсанг да, эслеб айт.
- Биреуге кёлтюрген таягъынг, кесинги башынга урур.
- Тамчы таш тешер.
- Ашына кёре табагъы, балына кёре къалагъы.
- Билген билмегенни юретген адетди.
- Къууут – джелге, берне – бошха.
- Билимден уллу байлыкъ джокъду.
- Кёзюнде тереги болгъан, чёбю болгъаннга кюле эди.
- Байлыкъ келсе, акъыл кетер.
- Махтаннган къыз, тойда джукълар.
- Суугъа – таянма, джаугъа – ийнанма.
- Бичгенде ашыкъма, тикгенде ашыкъ.
- Алма терегинден кери кетмез.
- Хантына кёре тузу, юйюне кёре къызы.
- Хоншуну тауугъу къаз кёрюнюр, келини къыз кёрюнюр.
- Джангыз терек къынгыр ёсер.
- Байны къызы баймакъ болса да, юйде къалмаз!
- Сёз – кюмюш, джыр – алтын.
- Бети къызарыучу адамны, джюреги харам болмаз.
- Бал ашаргъа сюе эсенг, чибин ургъаннга тёз.
- Биреу къой излей, биреу той излей.
- Ишни ахырын ойламай, аллын башлама.
- Кюн – узун, ёмюр – къысха.
- Кёзден кетген, кёлден да кетеди.
- Рысхы – сют юсюнде кёмюк кибикди.
- Итли къонакъ джарашмаз.
- Кенгеш болса, уруш болмаз.
- Тёрдеги кюлсе, эшикдеги ышарыр.
- Аш иеси бла татлыды.
- Ата Джуртун танымагъан, атасын да танымаз.
- Адамны артындан къара сабан сюрме.
- Эринчекни аурууу – кёб.
- Айтылгъан сёз ызына къайтмаз.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Мал ёлсе, сюек къалыр, адам ёлсе, иши къалыр.
- Къонагъынгы артмагъын алма да, алгъышын ал.
- Таш бла ургъанны, аш бла ур.
- Аманнга игилик этсенг, юйюнге сау бармазса.
- Аз айтсам, кёб ангылагъыз.
- Адамны аты башхача, акъылы да башхады.
- Къуру гыбыт бек дыгъырдар.
- Окъугъан озар, окъумагъан тозар.
- Сабийни джумушха джибер да, ызындан бар.
- Уллу къазанда бишген эт, чий къалмаз.
Профиль
|
|
|||