Эльбрусоид :: Форум

Эски джаугъа ышанма.
Ишни аллы бла къууанма да, арты бла къууан.
Джюз элде джюз ёгюзюм болгъандан эсе, джюз джууугъум болсун.
Эр абынмай, эл танымаз.
Оюмсуз атлагъан, аджалсыз ёлюр.
Бети – къучакълар, джюреги – бычакълар.
Баргъанынга кёре болур келгенинг.
Къонакъ кёб келюучю юйню, къазаны отдан тюшмез.
Хар зат кесини орнуна иги.
Атлыны ашхысы, ат тизгининден билинир
Эл ауузу – элек, анга ийнаннган – халек.
Келгинчи, къонакъ уялыр, келгенден сора, къонакъбай уялыр.
Ким бла джюрюсенг, аны кёзю бла кёрюнюрсе.
Айныгъанлы алты кюн, тогъайгъанлы тогъуз кюн.
Бек анасы джыламаз.
Ёлген ийнек сютлю болур.
Тойгъанлыкъ къойгъа джарашады.
Кёб къычыргъандан – къоркъма, тынч олтургъандан – къоркъ.
Эркиши – от, тиширыу – суу.
Кюлме джашха – келир башха.
Адебсиз адам – джюгенсиз ат.
Дуния аламаты сен эсенг да, игиме деб айтма.
Термилгенинги табмазса, кюлгенинге тюберсе.
Кюн кёрмеген, кюн кёрсе, кюндюз чыракъ джандырыр.
Джукъу тёшек сайламайды.
Аз сёлешген, къайгъысыз турур.
Огъурлуну сёзю – суу, огъурсузну сёзю – уу.
Къошда джокъгъа – юлюш джокъ.
Адеб джокъда, намыс джокъ.
Аджал соруб келмез, келсе, къайтыб кетмез.
Къарт айтханны этмеген, къартаймаз.
Бек ашыкъгъан меннге джетсин, дегенди аракъы.
Тойчу джашха къарама, къойчу джашха къара.
Келинин тута билмеген, къул этер, къызын тута билмеген, тул этер.
Ач да бол, токъ да бол – намысынга бек бол.
Тилчиден кери бол.
Ат басханны джер билед.
Эл элде бирер малынг болгъандан эсе, бирер тенгинг болсун.
Бюгюн дуния кибик, тамбла ахыратды.
Билмегенинги, билгеннге сор.
Эки элинги тыйсанг, джети элде махталырса.
Адеб этмеген, адеб кёрмез.
Мал кёб болса, джууукъ кёб болур.
Къызын тута билмеген, тул этер, джашын тута билмеген, къул этер.
Иесиз малны бёрю ашар.
Джашны джигитлиги сорулур, къызны джигерлиги сорулур.
Ойнай билмеген, оюн бузар.
Тёзгеннге, джабылгъан эшик ачылыр.
Уллу сёзде уят джокъ.
Насыб бютеу халкъны юлюшюдю.

Логин:
Пароль:
	Запомнить меня на этом компьютере

Забыли свой пароль?
Регистрация