- Кёрмегеннге кебек – танг, битмегеннге сакъал – танг.
- Къууут – джелге, берне – бошха.
- Ашда – бёрю, ишде – ёлю.
- Уясында не кёрсе, учханында аны этер.
- Ойнай билмеген, оюн бузар.
- Душманны тышы – акъ, ичи – къара.
- Адамны сыфатына къарама, сёзюне къара.
- Адам къаллай бир ишленмесе, аллай бир кесин уллу кёреди.
- Мухардан ач ычхынмаз.
- Эркиши – от, тиширыу – суу.
- Юйюнг бла джау болгъандан эсе, элинг бла джау бол.
- Ёлюр джаннга, ёкюл джокъ.
- Ёгюзню мюйюзлери ауурлукъ этмейдиле.
- Адамны адамлыгъы къыйынлыкъда айгъакъланады.
- Чакъырылмагъан джерге барма, чакъырылгъан джерден къалма.
- Ёлген аслан – сау чычхан.
- Абынмазлыкъ аякъ джокъ, джангылмазлыкъ джаякъ джокъ.
- Намыс болмагъан джерде, насыб болмаз.
- Рысхы джалгъанды: келген да этер, кетген да этер.
- Этни да ашады, бетни да ашады.
- Джангыз терек къынгыр ёсер.
- Ауузу аманнга «иги», деме.
- Этек чакъмакълары баш джаргъан, сёлешген сёзлери таш джаргъан.
- Кёкдеги болмаса, джердегин кёрмейди.
- Адеб джокъда, намыс джокъ.
- Бек анасы джыламаз.
- Байлыкъ адамны сокъур этер.
- Борчунг бар эсе, хурджунунга ойлаб узал.
- Кёзюнде тереги болгъан, чёбю болгъаннга кюле эди.
- Чомартха Тейри да борчлуду.
- Акъыл аздырмаз, билим тоздурмаз.
- Къызгъанчдан ычхыныр, мухардан ычхынмаз.
- Аджаллыгъа окъсуз шкок атылыр.
- Мадар болса, къадар болур.
- Айырылмаз джууугъунга, унутмаз сёзню айтма.
- Тил – миллетни джаны.
- Элиб деген, элге болушур.
- Джыланны къуйругъундан басарынг келсе, аны башы болгъанын унутма.
- Бет бетге къараса, бет да джерге къарар.
- Ашхы тенг джолгъа салыр, аман тенг джолдан тайдырыр.
- Кёл – къызбай, къол – батыр.
- Билимли ёлмез, билимсиз кёрмез.
- Билеги кючлю, бирни джыгъар, билими кючлю, мингни джыгъар.
- Джарлы джети элни сёзюн этер.
- Кёбге таш атма.
- Таукел адам тау тешер.
- Сёз садакъдан кючлюдю.
- Чыкълы кюнде чыкъмагъан, чыкъса къуру кирмеген.
- Суугъа – чабакъ, къаягъа – ыргъакъ.
- Къызны минг тилер, бир алыр.
Профиль
|
|
|||