- Иги бла джюрюсенг, джетерсе муратынга, аман бла джюрюсенг, къалырса уятха.
- Джолда аягъынга сакъ бол, ушакъда тилинге сакъ бол.
- Керти сёзге тёре джокъ.
- Бети – къучакълар, джюреги – бычакълар.
- Берекет берсин деген джерде, берекет болур.
- Нарт сёз – тилни бети.
- Адеб этмеген, адеб кёрмез.
- Къонакъ хазыр болгъанлыкъгъа, къонакъбай хазыр тюлдю.
- Биреуге кёлтюрген таягъынг, кесинги башынга урур.
- Къуру гыбыт бек дыгъырдар.
- Къонакъ кёб келюучю юйню, къазаны отдан тюшмез.
- Адамны адамлыгъы къыйынлыкъда айгъакъланады.
- Аз сёлешген, къайгъысыз турур.
- Ач келгенни – тойдур, кеч келгенни – къондур.
- Джыгъылгъанны сырты джерден тоймаз.
- Къаллай салам берсенг, аллай джууаб алырса.
- Эшекге миннген – биринчи айыб, андан джыгъылгъан – экинчи айыб.
- Сютден ауузу кюйген, суугъа юфгюре эди.
- Ашхы атаны – джашы ашхы, ашхы ананы – къызы ашхы.
- Булут кёкге джарашыу, уят бетге джарашыу.
- Билимли ёлмез, билимсиз кёрмез.
- Хар адамгъа кеси миннген тау кибик.
- Эл тойса, тоймагъан, эл къойса, къоймагъан.
- Къазанда болса, чолпугъа чыгъар.
- Къызны минг тилер, бир алыр.
- Чакъырылмагъан къонакъ – орунсуз.
- Уллу сёлешме да, уллу къаб.
- Акъыл аздырмаз, билим тоздурмаз.
- Къан бла кирген, джан бла чыгъар.
- Ауурну тюбю бла, дженгилни башы бла джюрюген.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Аурууну келиую тынч, кетиую – къыйын.
- Оюмсуз атлагъан, аджалсыз ёлюр.
- Юйлю уругъа ит чабмаз.
- Таукелге нюр джауар.
- Ишлегенден, къарагъан уста.
- Адамны аты башхача, акъылы да башхады.
- Аш кетер да бет къалыр.
- Биреуню къыйынлыгъы бла кесинге джол ишлеме.
- Сакъалы текени да бар, мыйыгъы киштикни да бар.
- Таякъ этден ётер, тил сюекден ётер.
- Чакъырылмагъан къонакъ тёрге атламаз.
- Ойнай-ойнай кёз чыгъар.
- Бал – татлы, балдан да бала – татлы.
- Ишге юренсин къоллары, халкъ бла болсун джоллары.
- Ариу – кёзге, акъыл – джюрекге.
- Къралынгы – душмандан, башынгы от бла суудан сакъла.
- Ургъан суудан башынгы сакъла.
- Атлыны ашхысы, ат тизгининден билинир
- Аман къатын сабий табса, бий болур…
Профиль
|
|
|||