- Айтылгъан буйрукъ, сёгюлмез
- Телиге от эт десенг, юйюнге от салыр.
- Дженгил джетерикме деб, узун джолну къоюб, къысхасын барма.
- Таш ата билмеген, башына урур.
- Намыс сатылыб алынмайды.
- Къууут – джелге, берне – бошха.
- Башы джабылгъан челекге, кир тюшмез.
- Билим къая тешер.
- Чабакъ башындан чирийди.
- Ата – билек, ана – джюрек!
- Тёзген – тёш ашар!
- Итли къонакъ джарашмаз.
- Уллу къазанда бишген эт, чий къалмаз.
- Этек чакъмакълары баш джаргъан, сёлешген сёзлери таш джаргъан.
- Эринчекге кюн узун.
- Къарнынг бла ёч алма.
- Акъыл неден да кючлюдю.
- Чакъырылмагъан къонакъ тёрге атламаз.
- Танг атмайма десе да, кюн къоярыкъ тюйюлдю.
- Ана къолу ачытмаз.
- Адамны джюреги нени кёрюрге сюйсе, кёзю да аны кёрюрге ёч болады.
- Ач бёрюге мекям джокъ.
- Бал чибинни ургъаны – ачы, балы – татлы.
- Чалманны аллы къалай башланса, арты да алай барады.
- Босагъа таш юйге кирмей эди, тыбыр таш эшикге чыкъмай эди.
- Къулакъдан эсе, кёзге ышан.
- Сыфатында болмагъаны, суратында болмаз.
- Джумушакъ сёз къаты таякъны сындырыр.
- Чомарт къонакъ юй иесин сыйлар.
- Юйюнгден чыкъдынг – кюнюнгден чыкъдынг.
- Алма терегинден кери кетмез.
- Ашлыкъны арба юйге келтирир, чана базаргъа элтир.
- Кюн кёрмеген, кюн кёрсе, кюндюз чыракъ джандырыр.
- Нафысынгы айтханын этме, намысынгы айтханын эт.
- Айтханы чапыракъдан ётмеген.
- Джетген къыз джерли эшекни танымаз.
- Джуртун къоругъан озар.
- Билмезни кёзю кёрмез, этмезни къулагъы эшитмез.
- Ачыу алгъа келсе, акъыл артха къалады.
- Нарт сёз – тилни бети.
- Джаханимни кёрмей, джандетге кёл салмазса.
- Адамны бетине къарама, адетине къара.
- Тёзгеннге, джабылгъан эшик ачылыр.
- Ётюрюкден тюбю джокъ, кёлтюрюрге джиби джокъ.
- Аджал соруб келмез, келсе, къайтыб кетмез.
- Борчунг бар эсе, хурджунунга ойлаб узал.
- Билмейме деген – бир сёз
- Эрни эр этерик да, къара джер этерик да, тиширыуду.
- Огъурлуну сёзю – суу, огъурсузну сёзю – уу.
- Сабийни джумушха джибер да, ызындан бар.
Профиль
|
|
|||