- Тенгинг джокъ эсе – изле, бар эсе – сакъла!
- Ишни аллы бла къууанма да, арты бла къууан.
- Окъуу – билимни ачхычы, окъуу – дунияны бачхычы.
- Айтхан сёзюне табылгъан.
- Къыз келсе, джумуш эте келеди, къатын келсе, ушакъ эте келеди.
- Ачлыкъ отха секиртир.
- Эки къатын алгъанны къулагъы тынгнгаймаз.
- Джюрекден джюрекге джол барды.
- Джашда акъыл джокъ, къартда къарыу джокъ.
- Гырджын – тепсини тамадасы.
- Чарсда алчыны эл кёреди.
- Окъумагъан сокъурду, сокъур ташха абыныр!
- Акъылсызны джууукъгъа алма, акъыллыны кенгнге салма.
- Урунуу – насыбны анасы.
- Кёз – сюйген джерде, къол – ауругъан джерде.
- Ата Джуртча джер болмаз, туугъан элча эл болмаз.
- Накъырданы арты керти болур.
- Сютню башын джалагъан къутулур, тюбюн ичген тутулур.
- Окъугъанны бети джарыкъ.
- Аман къатын сабий табса, бий болур…
- Ишин билген, аны сыйын чыгъарады.
- Ышармагъан – кюлмез, кюлмеген – къууанчны билмез.
- Билимсиз иш бармаз.
- Адеб базарда сатылмаз.
- Экеу тутушса, биреу джыгъылыр.
- Биреуге кёлтюрген таягъынг, кесинги башынга урур.
- Бермеген къол, алмайды.
- Юйюнгден чыкъдынг – кюнюнгден чыкъдынг.
- Зар адам ашынгы ашар, кесинги сатар.
- Эри аманны, къатыны – аман.
- Ачыу алгъа келсе, акъыл артха къалады.
- Чыбыкълыкъда бюгюлмеген, къазыкълыкъда бюгюлмей эди.
- Ач бёрюге мекям джокъ.
- Тура эдим джата, къайдан чыкъды хата?
- Ишлерге уял да, ашаргъа табма.
- Биреу къой излей, биреу той излей.
- Иги адамны бир сёзю эки болмаз.
- Адамгъа аман кюн соруб келмейди.
- Аманнга игилик этсенг, юйюнге сау бармазса.
- Ата – билек, ана – джюрек!
- Хата – гитчеден.
- Кесине гебен этелмеген, биреуге черен эте эди.
- Ариу сёз аурууунгу алыр.
- Тынгылагъан тынгы бузар.
- Кесине оноу эте билмеген, халкъына да эте билмез.
- Къонакъ кёб келюучю юйню, къазаны отдан тюшмез.
- Аз айтсам, кёб ангылагъыз.
- Сёз – кюмюш, джыр – алтын.
- Адамны адамлыгъы къыйынлыкъда айгъакъланады.
- Акъыл сабырлыкъ берир.
Профиль
|
|
|||