- Огъурлуну сёзю – суу, огъурсузну сёзю – уу.
- Байлыкъдан саулукъ ашхыды.
- Сютню башын джалагъан къутулур, тюбюн ичген тутулур.
- Ёлмесенг да, къарт дамы болмазса?
- Бюгюн дуния кибик, тамбла ахыратды.
- Ауурну тюбю бла, дженгилни башы бла джюрюген.
- Абынмазлыкъ аякъ джокъ, джангылмазлыкъ джаякъ джокъ.
- Акъыллы башны – тили къысха.
- Экеулен сёлеше тура эселе, орталарына барыб кирме.
- Келлик заман – къартлыкъ келтирир, кетген заман – джашлыкъ ёлтюрюр.
- Тулпарлыкъ, билекден тюл – джюрекден.
- Аякъларынгы джууургъанынга кёре узат.
- Аманнга да, игиге да оноусуз къатышма.
- Керилген да, ургъан кибикди.
- Ач уят къоймаз.
- Арбаз къынгырды да, ийнек сауалмайма.
- Акъыллы – эл иеси, тели – эл баласы.
- Къалгъан ишге къар джауар.
- Окъдан джара эртде-кеч болса да бителир, сёз джара, ёмюрге къалыр.
- Эринчекни эр алмаз, эр алса да, кёл салмаз, кёл салса да, кёб бармаз!
- Кёзню ачылгъаны – иги, ауузну джабылгъаны – иги.
- Сабий кёргенин унутмаз.
- Къыйынлы джети элни къайгъысын этер.
- Гыдай эчки суугъа къараб, мюйюзле кёрмесе, джашма алкъын, дегенди.
- Борчунг бар эсе, хурджунунга ойлаб узал.
- Къыз чыгъаргъан – къызыл къымжа.
- Джаш къарыу бла кючлю, къарт акъыл бла кючлю.
- Джарашыу сюйген – джалынчакъ.
- Акъыл къартда, джашда тюйюлдю – башдады.
- Ариу сёзде ауруу джокъ.
- Баргъанынга кёре болур келгенинг.
- Акъылсызны джууукъгъа алма, акъыллыны кенгнге салма.
- Тау башында, тау болмаз, джангыз терек, бау болмаз.
- Чабар ат – джетген къыз.
- Адамны сабийин сюйген джюреги, бычакъча, джитиди.
- Ашлыкъ – бюртюкден, джюн – тюкден.
- Аманнга игилик этсенг, юйюнге сау бармазса.
- Ётюрюкчюню шагъаты – къатында.
- Джахил болса анасы, не билликди баласы?
- Чомарт джарлы болмаз.
- Хар адамгъа кеси миннген тау кибик.
- Къартны бурнун сюрт да, оноугъа тут.
- Айтылгъан сёз ызына къайтмаз.
- Ашхылыкъ джерде джатмайды, аманлыкъ суугъа батмайды.
- Джангыз торгъай джырламаз.
- Уллу айтханны этмеген – уллаймаз.
- Ёлюр джаннга, ёкюл джокъ.
- Aдам боллукъ, сыфатындан белгили.
- Юре билмеген ит, къонакъ келтирир.
- Тай асырагъан, атха минер.
Профиль
|
|
|
|||