- «Ма», - дегенни билмесенг, «бер», - дегенни билмезсе.
- Айтхан сёзюне табылгъан.
- Къонакъ болсанг, ийнакъ бол.
- Ата Джуртча джер болмаз, туугъан элча эл болмаз.
- Чакъырылмай келген къонакъ сыйланмай кетер.
- Адебни адебсизден юрен.
- Айранны сюйген, ийнек тутар.
- Бек ашыкъгъан меннге джетсин, дегенди аракъы.
- Джеринден айырылгъан – джети джылар, джуртундан айырылгъан – ёлгюнчю джылар.
- Ханнга да келеди хариблик.
- От кюйдюрген, сау болса да, тот кюйдюрген, сау болмаз.
- Эринчекни аурууу – кёб.
- Бир абыннган – минг сюрюнюр.
- Келлик заман – къартлыкъ келтирир, кетген заман – джашлыкъ ёлтюрюр.
- Битмегеннге сакъал – танг.
- Джырчы джырчыгъа – къарнаш.
- Билген билмегенни юретген адетди.
- Адамгъа аман кюн соруб келмейди.
- Игилик игилик бла сингдирилиучю затды.
- Ана къолу ачытмаз.
- Акъыл аздырмаз, билим тоздурмаз.
- Тилчи бир сагъатха айлыкъ хата этер.
- Бозанг болмагъан джерге, къалагъынгы сукъма.
- Айыбны суу бла джууалмазса.
- Тюзлюк тас болмайды.
- Элиб деген, элге болушур.
- Тил – кесген бычакъ, сёз – атылгъан окъ.
- Джаным-тиним – окъуу, билим.
- Биреуге аманлыкъ этиб, кесинге игилик табмазса.
- Къазанны башы ачыкъ болса, итге уят керекди.
- Эркишини аманы тиширыуну джылатыр.
- Сескекли кесин билдирир.
- Аман къатын алгъан, арыр, иги къатын алгъан джарыр.
- Мени джылытмагъан кюн, меннге тиймесин!
- Ач бёрюге мекям джокъ.
- Ачыу алгъа келсе, акъыл артха къалады.
- Кёзюнде тереги болгъан, чёбю болгъаннга кюле эди.
- Алгъанда – джууукъ, бергенде – джау.
- Билимсиз иш бармаз.
- Бастасын ашагъан, хантусун да ичер.
- Кийим тукъум сордурур.
- Къызын тута билмеген, тул этер, джашын тута билмеген, къул этер.
- Экиндини кеч къылсанг, чабыб джетер ашхам.
- Терслик кетер, тюзлюк джетер.
- Тойчу джашха къарама, къойчу джашха къара.
- Туз, гырджын аша, тюзлюк бла джаша.
- Аджашхан тёгерек айланыр.
- Тил бла келеди джыр да.
- Сабыр джетер муратха, сабырсыз къалыр уятха.
- Башсыз урчукъ тюзюне айланмаз.
Профиль
|
|
|
|||