- Ёлюк кебинсиз къалмаз.
- Ишлегенде эринме, ишде чолакъ кёрюнме.
- Тамчы таш тешер.
- Джангыз терек къынгыр ёсер.
- Къазанда болса, чолпугъа чыгъар.
- Биреу ашаб къутулур, биреу джалаб тутулур.
- Дуния аламаты сен эсенг да, игиме деб айтма.
- Къайгъыны сюйген, къайгъы табар.
- Таугъа чыгъаллыкъ эсенг, тюзде къалма.
- Агъач халкъгъа алтынды, иссиликге салкъынды.
- Баланы адам этген анады.
- Байны оноуу, джарлыгъа джарамаз.
- Адеб джокъда, намыс джокъ.
- Биреуню тёрюнден, кесинги эшик артынг игиди.
- Аууз сакълагъан – джан сакълар.
- Ашхы атаны – джашы ашхы, ашхы ананы – къызы ашхы.
- Чабар ат – джетген къыз.
- Чомарт къолда мал къалмаз.
- Байлыкъ адамны сокъур этер.
- Керти сёзге тёре джокъ.
- Ашда уялгъан – мухар, ишде уялгъан – хомух.
- Иги бла джюрюсенг, джетерсе муратынга, аман бла джюрюсенг, къалырса уятха.
- Кесинге джетмегенни, кёб сёлешме.
- Татлы сёз – балдан татлы.
- Ач бёрюге мекям джокъ.
- Бастасын ашагъан, хантусун да ичер.
- Ачылгъан эт джабылыр, кёрген кёз унутмаз.
- Сёз садакъдан кючлюдю.
- Кёзден кетген, кёлден да кетеди.
- Акъыллы эркиши атын махтар, акъылсыз эркиши къатынын махтар.
- Къолунгдан къуймакъ ашатсанг да, атаны борчундан къутулмазса.
- Сютню башын джалагъан къутулур, тюбюн ичген тутулур.
- Чыбыкълыкъда бюгюлмеген, къазыкълыкъда бюгюлмей эди.
- Ауузу аманнга «иги», деме.
- Къонакъны къачан кетерин сорма, къачан келлигин сор.
- Ишни ахырын ойламай, аллын башлама.
- Онгсузну – джакъла, тенгликни – сакъла.
- Къарт айтханны этмеген, къартаймаз.
- Хантына кёре тузу, юйюне кёре къызы.
- Кёбню кёрген – кёб билир.
- Аманны тукъумуна къарама, игини тукъумун сорма.
- Сёлеш деб шай берген, тохта деб, сом берген.
- Ач отунчуну ачыуу – бурнунда.
- От кюйдюрген, сау болса да, тот кюйдюрген, сау болмаз.
- Джогъун бар этген, барын бал этген.
- Ашлыкъ – бюртюкден, джюн – тюкден.
- Ёлген эшек бёрюден къоркъмайды.
- Адам боллукъ, атламындан белгили болур.
- Ауругъаннга – кийик саулукъ, джетген къызгъа – чилле джаулукъ.
- Джумушакъ терекни къурт ашар.
Профиль
|
|
|
|||