- Джарлы тюеге минсе да, ит къабар.
- Хантына кёре тузу, юйюне кёре къызы.
- Мухардан ач ычхынмаз.
- Ёлюк кебинсиз къалмаз.
- Къонакъ болсанг, ийнакъ бол.
- Къолунгдан къуймакъ ашатсанг да, атаны борчундан къутулмазса.
- Ханнга да келеди хариблик.
- Термилгенинги табмазса, кюлгенинге тюберсе.
- Чакъырылмагъан къонакъ къачан кетерин сормаз.
- Телиге от эт десенг, юйюнге от салыр.
- Керти сёзге тёре джокъ.
- Мухар, кеси тойса да, кёзю тоймаз.
- Ариу сёз аурууунгу алыр.
- Айраннга суу къош, телиге джол бош.
- Тешигини къатында, чычхан да батыр болур.
- Ата Джуртча джер болмаз, туугъан элча эл болмаз.
- Атлыны ашхысы, ат тизгининден билинир
- Бал ашаргъа сюе эсенг, чибин ургъаннга тёз.
- Билеги кючлю, бирни джыгъар, билими кючлю, мингни джыгъар.
- Чабар ат – джетген къыз.
- Азыгъы аз, алгъа къабар, аты аман, алгъа чабар.
- Аякъларынгы джууургъанынга кёре узат.
- Ашлыкъны арба юйге келтирир, чана базаргъа элтир.
- Ишге юренсин къоллары, халкъ бла болсун джоллары.
- Къарт айтханны этмеген, къартаймаз.
- Иши джокъну, сыйы джокъ.
- Ёмюрлюк шохлукъну джел элтмез.
- Халкъны джырын джырласанг, халкъ санга эжиу этер.
- Мураты болгъанны джюрек тебюую башхады.
- Тилсиз миллет джокъ болур.
- Урама да – ёледи, сатама да – келеди.
- Джукъу тёшек сайламайды.
- Болджал ишни бёрю ашар.
- Билими азны – ауузунда кирит.
- Сабыр джетер муратха, сабырсыз къалыр уятха.
- Кюл тюбюндеги от кёрюнмейди.
- Адамны артындан къара сабан сюрме.
- Тёзген – тёш ашар!
- Сёз – кюмюш, джыр – алтын.
- Эртде тургъан бла эртде юйленнген сокъуранмаз.
- Къызбайны юйюне дери сюрсенг, батыр болур.
- Тойгъанлыкъ къойгъа джарашады.
- Чабакъ башындан чирийди.
- Босагъа таш юйге кирмей эди, тыбыр таш эшикге чыкъмай эди.
- Эри аманны, къатыны – аман.
- Аш иеси бла татлыды.
- Ишин билген, аны сыйын чыгъарады.
- Хар зат кесини орнуна иги.
- Харам къарнашдан, халал тенг ашхы.
- Аш берме да, къаш бер.
Профиль
|
|
|||