- Алим болгъандан эсе, адам болгъан къыйынды.
- Босагъагъа джууукъ орун болса, ашыгъыб тёрге озма.
- Кёпюр салгъан кеси ётер, уру къазгъан кеси кетер.
- Дуния мал дунияда къалады.
- Тенгинг джокъ эсе – изле, бар эсе – сакъла!
- Байны оноуу, джарлыгъа джарамаз.
- Кёзюнде тереги болгъан, чёбю болгъаннга кюле эди.
- Экеулен сёлеше тура эселе, орталарына барыб кирме.
- Кеси юйюмде мен да ханма.
- Бек анасы джыламаз.
- Къозулугъунда тоймагъан, къойлугъунда тоймаз.
- Джангыз торгъай джырламаз.
- Байма, деб да, къууанма, джарлыма, деб да, джылама.
- Ауузу аманнга «иги», деме.
- Ач къалгъандан, кеч къалгъан къолай.
- Ёлген ийнек сютлю болур.
- Хаухну атма, ёнгкючню сатма.
- Ач да бол, токъ да бол – намысынга бек бол.
- Кютгени беш эчки, сызгъыргъаны уа, джерни джарады.
- Намыс сатылыб алынмайды.
- Ашыкъгъанны этеги бутуна чырмалыр.
- Ач – эснер, ат – кишнер.
- Джаш къарыу бла кючлю, къарт акъыл бла кючлю.
- Игилик игилик бла сингдирилиучю затды.
- Адамны адамлыгъы къыйынлыкъда айгъакъланады.
- Дженгил джетерикме деб, узун джолну къоюб, къысхасын барма.
- Байлыкъ адамны сокъур этер.
- Гырджын – тепсини тамадасы.
- Кёз – сюйген джерде, къол – ауругъан джерде.
- Онгсузну – джакъла, тенгликни – сакъла.
- Этек чакъмакълары баш джаргъан, сёлешген сёзлери таш джаргъан.
- Накъырда – кертини келечиси.
- Къайгъыны сюйген, къайгъы табар.
- Бир абыннган – минг сюрюнюр.
- Биреуню эскиси биреуге джангы болмайды.
- Ойнай-ойнай кёз чыгъар.
- Байдан умут эте, джарлыдан ёгюз багъасы къорады.
- Тыш элде солтан болгъандан эсе, кесинги элде олтан болгъан игиди!
- Джумушакъ терекни къурт ашар.
- Къуру гыбыт бек дыгъырдар.
- Ашлыкъ – бюртюкден, джюн – тюкден.
- Тенгни тенглиги джашай барсанг билинир.
- Агъач – джерни чырайы, кийим – эрни чырайы.
- Ышармагъан – кюлмез, кюлмеген – къууанчны билмез.
- Тилчи бир сагъатха айлыкъ хата этер.
- Азыкъ аз болса, эртде орун сал.
- Экиндини кеч къылсанг, чабыб джетер ашхам.
- Айран тёгюлсе, джугъусу къалыр.
- Тил джюрекге джол ишлейди.
- Ёксюзню къалачы уллу кёрюнюр.
Профиль
|
|
|
|||