- Бетинги сатма, малынгы сат.
- Кёзню ачылгъаны – иги, ауузну джабылгъаны – иги.
- От этилмеген джерден тютюн чыкъмайды.
- Адамны артындан къара сабан сюрме.
- Бал чибинни ургъаны – ачы, балы – татлы.
- Джарлыны эшигин махтагъан джабар.
- Ётюрюкню къуйругъу – бир тутум.
- Башы ишлегенни, ауузу да ишлер.
- Баргъанынга кёре болур келгенинг.
- Акъыл бла адеб эгизледиле.
- Битмегеннге сакъал – танг.
- Тюзлюк тас болмайды.
- Аман адамны тепсинге олтуртсанг, къызынгы тилер.
- Ашыкъгъанны этеги бутуна чырмалыр.
- Экеу тутушса, биреу джыгъылыр.
- Къызбайны юйюне дери сюрсенг, батыр болур.
- Ишни ахырын ойламай, аллын башлама.
- Къуллукъчума, деб махтанма, къуллукъ – хаух джамчыды!
- Борчунг бар эсе, хурджунунга ойлаб узал.
- Рысхы джалгъанды: келген да этер, кетген да этер.
- Бети къызарыучу адамны, джюреги харам болмаз.
- Джеринден айырылгъан – джети джылар, джуртундан айырылгъан – ёлгюнчю джылар.
- Ач, тоймам, дейди, тойгъан, ач болмам, дейди.
- Кесине оноу эте билмеген, халкъына да эте билмез.
- Телиге акъыл салгъандан эсе, ёлгеннге джан салырса.
- Чомартны къолу берекет.
- Ойнай билмеген, оюн бузар.
- Ауругъаннга – кийик саулукъ, джетген къызгъа – чилле джаулукъ.
- Джашда акъыл джокъ, къартда къарыу джокъ.
- Миллетни бойну – базыкъ, аны бла кюрешген – джазыкъ.
- Къартны бурнун сюрт да, оноугъа тут.
- Билимли ёлмез, билимсиз кёрмез.
- Уллу къазанда бишген эт, чий къалмаз.
- Окъуу – билимни ачхычы, окъуу – дунияны бачхычы.
- Тойгъа барсанг, тоюб бар, эски тонунгу къоюб бар.
- Иги адамны бир сёзю эки болмаз.
- Мураты болгъанны джюрек тебюую башхады.
- Кюн кёрмеген, кюн кёрсе, кюндюз чыракъ джандырыр.
- Къонагъы джокъну – шоху джокъ.
- Джигер – джаннга къыйынлыкъ.
- Кёкдеги болмаса, джердегин кёрмейди.
- Таш ата билмеген, башына урур.
- Адеб этмеген, адеб кёрмез.
- Хансыз джомакъ болмаз.
- Хар зат кесини орнуна иги.
- Сабий кёргенин унутмаз.
- Ариу сёзде ауруу джокъ.
- Ашха уста, юйюнде болсун
- Эл тойса, тоймагъан, эл къойса, къоймагъан.
- Мал тутхан – май джалар.
Профиль
|
|
|
|||