- Орундукъ тюбюнде атылсам да, орта джиликме, де да айлан.
- Къууут – джелге, берне – бошха.
- Ашхы тенг джолгъа салыр, аман тенг джолдан тайдырыр.
- Биреуню тёрюнден, кесинги эшик артынг игиди.
- Азыкъ аз болса, эртде орун сал.
- Гырджын – тепсини тамадасы.
- Адебни адебсизден юрен.
- Тюзню ётмеги тюзде къалса да, тас болмаз.
- Ач, тоймам, дейди, тойгъан, ач болмам, дейди.
- Билмегенинги, билгеннге сор.
- Окъдан джара эртде-кеч болса да бителир, сёз джара, ёмюрге къалыр.
- Бастасын ашагъан, хантусун да ичер.
- Азыкълы ат арымаз, къатыны аман джарымаз.
- Къартха ушагъан джаш – акъыллы, джашха ушагъан къарт – тели.
- Кесине гебен этелмеген, биреуге черен эте эди.
- Сескекли кесин билдирир.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Таугъа чыгъаллыкъ эсенг, тюзде къалма.
- Ишин билген, аны сыйын чыгъарады.
- Баш болса, бёрк табылыр.
- Таукелге нюр джауар.
- Кийиминг бла танылма, адамлыкъ бла таныл.
- Кийим тукъум сордурур.
- Кёб ант этген, кёб ётюрюк айтыр.
- Къан бла кирген, джан бла чыгъар.
- Ачлыкъ отха секиртир.
- Ашлыкъны арба юйге келтирир, чана базаргъа элтир.
- Къатын байлыкъны сюер, эр саулукъну сюер.
- Бир абыннган – минг сюрюнюр.
- Игилик игилик бла сингдирилиучю затды.
- Тёзген – тёш ашар!
- Этни да ашады, бетни да ашады.
- Акъыл бла адеб эгизледиле.
- Джолунга кёре – джюрюшюнг, джагъанга кёре – юлюшюнг.
- Тилчи бир сагъатха айлыкъ хата этер.
- Чарсда алчыны эл кёреди.
- Насыб бютеу халкъны юлюшюдю.
- Мухарны эси – ашарыкъда.
- Чомарт къонакъ юй иесин сыйлар.
- Чакъырылгъанны аты, чакъырылмагъанны багъасы болур.
- Кийимни бир кюнню аясанг, минг кюннге джарар.
- Байдан умут эте, джарлыдан ёгюз багъасы къорады.
- Сабий болмагъан джерде, мёлек болмаз.
- Телиге акъыл салгъандан эсе, ёлгеннге джан салырса.
- Акъыллы айтыр эди, акъылсыз къоймайды.
- Джангыз терек къынгыр ёсер.
- Ёлген ийнек сютлю болур.
- Юреннген ауруу къалмаз.
- Аманны эки битли тону болур, бирин сеннге кийдирир, бирин кеси киер.
- Ауругъаннга – кийик саулукъ, джетген къызгъа – чилле джаулукъ.
Профиль
|
|
|
|||