- Чабакъсыз кёлге къармакъ салгъанлыкъгъа, чабакъ тутмазса.
- Хар зат кесини орнуна иги.
- Сагъышы джокъ – джукъучу, акъылы джокъ – къаугъачы.
- Иесиз малны бёрю ашар.
- Ётюрюкден тюбю джокъ, кёлтюрюрге джиби джокъ.
- Ариу – кёзге, акъыл – джюрекге.
- Джауумдан сора, кюн кюйдюрюр, ётюрюкден сора, айыб кюйдюрюр.
- Суу да къайтады чыкъгъан джерине.
- Юйлю уругъа ит чабмаз.
- Чакъырылмагъан къонакъ – орунсуз.
- Джырына кёре эжиую.
- Къазанчы аман болса, къазаны къайнамаз.
- Къызбайны юйюне дери сюрсенг, батыр болур.
- Ауругъан – джашаудан умутчу.
- Байлыкъ болгъан джерде, тынчлыкъ джокъду.
- Игини сыйлагъан адетди.
- Джырчы джырчыгъа – къарнаш.
- Тай асырагъан, атха минер.
- Аман къатын сабий табса, бий болур…
- Ашда – бёрю, ишде – ёлю.
- Биреуню тёрюнден, кесинги эшик артынг игиди.
- Къарт болгъан джерде, берекет болур, сабий болгъан джерде, оюн болур.
- Экиндини кеч къылсанг, чабыб джетер ашхам.
- Ёлген эшек бёрюден къоркъмайды.
- Сабийни джумушха джибер да, ызындан бар.
- Эринчекге кюн узун.
- Сёз сёзню айтдырыр.
- Джерни букъусу кёкге къонмаз.
- Бал ашаргъа сюе эсенг, чибин ургъаннга тёз.
- Ашхы болсанг, атынг чыгъар, аман болсанг, джанынг чыгъар.
- Ашлыкъны арба юйге келтирир, чана базаргъа элтир.
- Баш болса, бёрк табылыр.
- Джылкъыдан – ат чыгъар, тукъумдан – джаш чыгъар.
- Иги адамны бир сёзю эки болмаз.
- Айтылгъан буйрукъ, сёгюлмез
- Ётюрюкню къуйругъу – бир тутум.
- Минг тенг да азды, бир джау да кёбдю.
- Юреннген ауруу къалмаз.
- Кесине оноу эте билмеген, халкъына да эте билмез.
- Этим кетсе да, сюегим къалыр.
- Ашыкъгъанны этеги бутуна чырмалыр.
- Акъыл аздырмаз, билим тоздурмаз.
- Билмейме деген – бир сёз
- Aдам боллукъ, сыфатындан белгили.
- Джетген къыз джерли эшекни танымаз.
- Къыйынлы джети элге оноу этер.
- Мал кёб болса, джууукъ кёб болур.
- Тау башында, тау болмаз, джангыз терек, бау болмаз.
- Садакъачыны джаны – къапчыгъында.
- Тюкюрюк баш джармаз, налат кёз чыгъармаз!
Профиль
|
|
|
|||