- Садакъачыны джаны – къапчыгъында.
- Элде адам къалмаса, ит тахтагъа минер.
- Ханнга да келеди хариблик.
- Аман хансны – урлугъу кёб.
- Ана – юйню кюн джарыгъы.
- Чабар ат – джетген къыз.
- Акъыллы айтыр эди, акъылсыз къоймайды.
- Ариу сёз аурууунгу алыр.
- Окъугъанны бети джарыкъ.
- Чарсда алчыны эл кёреди.
- Ашда уялгъан – мухар, ишде уялгъан – хомух.
- Тыш элде солтан болгъандан эсе, кесинги элде олтан болгъан игиди!
- Сыфатында болмагъаны, суратында болмаз.
- Ашын ашагъанынгы, башын да сыйла.
- Аллахдан тилесенг, кёб тиле.
- Айтхан сёзюне табылгъан.
- Ариуну – ауруу кёб.
- Терек ауса, отунчу – кёб.
- Ишлемеген – тишлемез.
- Ёлмесенг да, къарт дамы болмазса?
- Сууда джау джокъ, кёб сёзде магъана джокъ.
- Босагъа таш юйге кирмей эди, тыбыр таш эшикге чыкъмай эди.
- Билгенни къолу къарны джандырыр.
- Ата – баланы уясы.
- Юй кюйдю да, кюйюз чыкъды, ортасындан тюйюш чыкъды.
- Кийимни бир кюнню аясанг, минг кюннге джарар.
- Баш – акъыл ючюн, акъылман – халкъ ючюн.
- Намысы болмагъанны, сыйы болмаз.
- Джукъу тёшек сайламайды.
- Ушамагъан – джукъмаз.
- Ишлерге уял да, ашаргъа табма.
- Башланнган иш битер, къымылдагъан тиш тюшер.
- Ётген ёмюр – акъгъан суу.
- Къан бла кирген, джан бла чыгъар.
- Кюлме джашха – келир башха.
- Рысхы джалгъанды: келген да этер, кетген да этер.
- Кесинг сынамагъан затны, адамгъа буюрма.
- Эринчекни аурууу – кёб.
- Экеу тутушса, биреу джыгъылыр.
- Тойгъанлыкъ къойгъа джарашады.
- Элни кючю – эмеген.
- Илму – джашауну джолу.
- Кёпюр салгъан кеси ётер, уру къазгъан кеси кетер.
- Ётюрюкню къуйругъу – бир тутум.
- Джырчы ёлсе, джыры къалыр.
- Кимни – тили, тиши онглу, кимни – къолу, иши онглу.
- Бал – татлы, балдан да бала – татлы.
- Этек чакъмакълары баш джаргъан, сёлешген сёзлери таш джаргъан.
- Иги адамны бир сёзю эки болмаз.
- Къатын байлыкъны сюер, эр саулукъну сюер.
Профиль
|
|
|
|||