- Кимни – тили, тиши онглу, кимни – къолу, иши онглу.
- От этилмеген джерден тютюн чыкъмайды.
- Кёзюнде тереги болгъан, чёбю болгъаннга кюле эди.
- Малны кют, джерни тюрт.
- Адамны артындан къара сабан сюрме.
- Сакъ юйюне сау барыр.
- Тик ёргени, тик энгишгеси да болады.
- Джыйырма къойну юч джыйырма эбзе кюте эди.
- Джерни букъусу кёкге къонмаз.
- Джетген къыз джерли эшекни танымаз.
- Джеринден айырылгъан – джети джылар, джуртундан айырылгъан – ёлгюнчю джылар.
- Чабар ат – джетген къыз.
- Тёрдеги кюлсе, эшикдеги ышарыр.
- Ашына кёре табагъы, балына кёре къалагъы.
- Термилгенинги табмазса, кюлгенинге тюберсе.
- Къозулугъунда тоймагъан, къойлугъунда тоймаз.
- Гыдай эчки суугъа къараб, мюйюзле кёрмесе, джашма алкъын, дегенди.
- Игини сыйлагъан адетди.
- Ашхы адам – халкъ байлыгъы, ашхы джер – джашау байлыгъы.
- Сабий кёргенин унутмаз.
- Кийимни бир кюнню аясанг, минг кюннге джарар.
- Аууздан келген, къолдан келсе, ким да патчах болур эди.
- Сыфатында болмагъаны, суратында болмаз.
- Хаухну атма, ёнгкючню сатма.
- Мухарны эси – ашарыкъда.
- Джети тилни билген джети кишиди.
- Ауурну тюбю бла, дженгилни башы бла джюрюген.
- Джол бла сёзню къыйыры джокъ.
- Аз сёлешген, къайгъысыз турур.
- Айтылгъан буйрукъ, сёгюлмез
- Ёлюр джаннга, ёкюл джокъ.
- Телиге акъыл салгъандан эсе, ёлгеннге джан салырса.
- Адам боллукъ, атламындан белгили болур.
- Адеб базарда сатылмаз.
- Башланнган иш битер, къымылдагъан тиш тюшер.
- Къызын тута билмеген, тул этер, джашын тута билмеген, къул этер.
- Бети къызарыучу адамны, джюреги харам болмаз.
- Бек анасы джыламаз.
- Тил бла келеди джыр да.
- Тамчы таш тешер.
- Суу да къайтады чыкъгъан джерине.
- Сагъыш – къартлыкъгъа сюйюмчю.
- Ач, тоймам, дейди, тойгъан, ач болмам, дейди.
- Ишни аллы бла къууанма да, арты бла къууан.
- Кёб джат да, бек чаб.
- Биреуге кёлтюрген таягъынг, кесинги башынга урур.
- Джарлы джети элни сёзюн этер.
- Къыз келсе, джумуш эте келеди, къатын келсе, ушакъ эте келеди.
- Арбаз къынгырды да, ийнек сауалмайма.
- Айранын берсенг, челегин да къызгъанма.
Профиль
|
|
|||