- Тойчу джашха къарама, къойчу джашха къара.
- Мухардан ач ычхынмаз.
- Эл тойса, тоймагъан, эл къойса, къоймагъан.
- Биреуню тёрюнден, кесинги эшик артынг игиди.
- Къарын къуру болса, джюрек уру болур.
- Ата Джуртун танымагъан, атасын да танымаз.
- Байлыкъ болгъан джерде, тынчлыкъ джокъду.
- Кийиминг бла танылма, адамлыкъ бла таныл.
- Адамны аманы адамны бети бла ойнар.
- Окъугъан – асыу, окъумагъан – джарсыу.
- Къазанны башы ачыкъ болса, итге уят керекди.
- Сёз сёзню айтдырыр.
- Билген билмегенни юретген адетди.
- Ана къойну – балагъа джандет.
- Аджалсыз ёлюм болмаз.
- Къыйынлы джети элни къайгъысын этер.
- Алма терегинден кери кетмез.
- Ойнай билмеген, уруб къачар.
- Ушамагъан – джукъмаз.
- Таукел адам тау тешер.
- Чакъырылмагъан къонакъ тёрге атламаз.
- Шекер бла туз – бир болмаз, ушамагъан – юй болмаз.
- Джангыз торгъай джырламаз.
- Биреуню къыйынлыгъы бла кесинге джол ишлеме.
- Келинин тута билмеген, къул этер, къызын тута билмеген, тул этер.
- Ишни ахырын ойламай, аллын башлама.
- Ата Джуртуму башы болмасам да, босагъасында ташы болайым.
- Aдам боллукъ, сыфатындан белгили.
- Тойгъан джерден туугъан джер игиди.
- Ачны эсинде – аш.
- Къыз тиширыу кеси юйюнде да къонакъды.
- Гугук кесини атын айтыб къычыргъанча, мен, мен деб нек тураса?
- Эрни эр этерик да, къара джер этерик да, тиширыуду.
- Сютден ауузу кюйген, суугъа юфгюре эди.
- Джашынгы кесинг юретмесенг, джашау юретир.
- Ачлыкъ отха секиртир.
- Ёлген эшек бёрюден къоркъмайды.
- Таула не мийик болсала да, аууш табылыр.
- Кечеси – аяз, кюню – къыш, джарлы къаргъагъа бир аш тюш!
- Байны оноуу, джарлыгъа джарамаз.
- Нёгерсизни джолу узун.
- Тили узунну, намысы – къысха.
- Ишленмеген джаш – джюгенсиз ат, ишленмеген къыз – тузсуз хант.
- Джылыгъа джылан илешир.
- Ханнга да келеди хариблик.
- Татлы сёз – балдан татлы.
- Адеб джокъда, намыс джокъ.
- Магъанасыз сёз – тауушсуз сыбызгъы.
- Сангырау къулакъ эл бузар.
- Юй ишлеген балта эшикде къалыр.
Профиль
|
|
|||