- Билеги кючлю, бирни джыгъар, билими кючлю, мингни джыгъар.
- Мал кёб болса, джууукъ кёб болур.
- Кеси юйюмде мен да ханма.
- Аманнга игилик этсенг, юйюнге сау бармазса.
- Харам къарнашдан, халал тенг ашхы.
- Кесинг сынамагъан затны, адамгъа буюрма.
- Кёзню ачылгъаны – иги, ауузну джабылгъаны – иги.
- Ишленмеген джаш – джюгенсиз ат, ишленмеген къыз – тузсуз хант.
- Байма, деб да, къууанма, джарлыма, деб да, джылама.
- Адеби болмагъан къыз – тузсуз хант.
- Джюрек кёзден алгъа кёрюр.
- Сёз сёзню айтдырыр.
- Айранны сюйген, ийнек тутар.
- Ана кёлю – балада, бала кёлю – талада.
- Джуртун къоругъан озар.
- Ётюрюкден тюбю джокъ, кёлтюрюрге джиби джокъ.
- Башсыз урчукъ тюзюне айланмаз.
- Тенгни тенглиги джашай барсанг билинир.
- Аман адам элни бир-бирине джау этер.
- Иги – алгъыш этер, аман – къаргъыш этер.
- Джети тилни билген джети кишиди.
- Борчунг бар эсе, хурджунунга ойлаб узал.
- Ашда уялгъан – мухар, ишде уялгъан – хомух.
- Айтхан сёзюне табылгъан.
- Намыс болмагъан джерде, насыб болмаз.
- Татлы тилде – сёз ариу, чемер къолда – иш ариу.
- Арбаз къынгырды да, ийнек сауалмайма.
- Бичгенде ашыкъма, тикгенде ашыкъ.
- Кесинге джетмегенни, кёб сёлешме.
- Ишни аллы бла къууанма да, арты бла къууан.
- Таукелге нюр джауар.
- Чомартны къолу берекет.
- Ойнаб айтсанг да, эслеб айт.
- Адамны аты башхача, акъылы да башхады.
- Ургъан суудан башынгы сакъла.
- Акъыл бла адеб эгизледиле.
- Ашатыргъа иш – ашхы, ишлетирге аш – ашхы.
- Айыбны суу бла джууалмазса.
- Суугъа – чабакъ, къаягъа – ыргъакъ.
- Миллетни бойну – базыкъ, аны бла кюрешген – джазыкъ.
- Кёб ант этген, кёб ётюрюк айтыр.
- Ачлыкъда тары гырджын халыуадан татлы.
- Баш болса, бёрк табылыр.
- Эр абынмай, эл танымаз.
- Къызгъанчдан ычхыныр, мухардан ычхынмаз.
- Окъуу – билимни ачхычы, окъуу – дунияны бачхычы.
- Намыс сатылыб алынмайды.
- Джолда аягъынга сакъ бол, ушакъда тилинге сакъ бол.
- Аууз сакълагъан – джан сакълар.
- Алим болгъандан эсе, адам болгъан къыйынды.
Профиль
|
||||