- Айырылмаз джууугъунга, унутмаз сёзню айтма.
- Экиндини кеч къылсанг, чабыб джетер ашхам.
- Аш кетер да бет къалыр.
- Билим къая тешер.
- Джарлы джети элни сёзюн этер.
- Ачыкъ джюрекге джол – ачыкъ.
- Окъуу – билимни ачхычы, окъуу – дунияны бачхычы.
- Чомартха Тейри да борчлуду.
- Къатын къылыкъсыз, эр тынчлыкъсыз.
- Азыкъ аз болса, эртде орун сал.
- Айтылгъан сёз ызына къайтмаз.
- Аманны къуугъан, аманлыкъ табар.
- Бети къызарыучу адамны, джюреги харам болмаз.
- Нёгерсизни джолу узун.
- Сууда джау джокъ, кёб сёзде магъана джокъ.
- Онгсузну – джакъла, тенгликни – сакъла.
- Насыб бютеу халкъны юлюшюдю.
- Окъ къызбайны джокълайды.
- Къолу уллу – асыу, аягъы уллу – джарсыу.
- Адебни адебсизден юрен.
- Тюзню ётмеги тюзде къалса да, тас болмаз.
- Хазыр ашха – терен къашыкъ.
- Юйюнг бла джау болгъандан эсе, элинг бла джау бол.
- Алтыннга тот къонмаз.
- Къар – келтирди, суу – элтди.
- Къызны минг тилер, бир алыр.
- Тилсиз миллет джокъ болур.
- Джолунга кёре – джюрюшюнг, джагъанга кёре – юлюшюнг.
- Сескекли кесин билдирир.
- Хатерли къул болур.
- Аман киши кеси юйюнде – къонакъ.
- Ишге юренсин къоллары, халкъ бла болсун джоллары.
- Айран ичген – къутулду, джугъусун джалагъан – тутулду.
- Адамны адамлыгъы къыйынлыкъда айгъакъланады.
- Ана кёлю – балада, бала кёлю – талада.
- Кёб ант этген, кёб ётюрюк айтыр.
- Ётюрюкню къуйругъу – бир тутум.
- Къонакъ аз олтурур, кёб сынар.
- Экеулен сёлеше тура эселе, орталарына барыб кирме.
- Джетген къыз джерли эшекни танымаз.
- Чоюнну башы ачыкъ болса, итге уят керекди.
- Кийиминг бла танылма, адамлыкъ бла таныл.
- Къартны сыйын кёрмеген, къартлыгъында сыйлы болмаз.
- Чакъырылгъанны аты, чакъырылмагъанны багъасы болур.
- Байлыкъ болгъан джерде, тынчлыкъ джокъду.
- Бермеген къол, алмайды.
- Айыбны суу бла джууалмазса.
- Татлы сёз – балдан татлы.
- Ауругъаннга – кийик саулукъ, джетген къызгъа – чилле джаулукъ.
- Аманны эки битли тону болур, бирин сеннге кийдирир, бирин кеси киер.
Профиль
|
||||