- Иши джокъну, сыйы джокъ.
- Сескекли кесин билдирир.
- Телини эшигин, махтау джабар.
- Ушамагъан – джукъмаз.
- Ишлегенден, къарагъан уста.
- Ашхы болсанг, атынг чыгъар, аман болсанг, джанынг чыгъар.
- Джыгъылгъанны сырты джерден тоймаз.
- Тенгни тенглиги джашай барсанг билинир.
- Аман хансны – урлугъу кёб.
- Кесине оноу эте билмеген, халкъына да эте билмез.
- Билмезни кёзю кёрмез, этмезни къулагъы эшитмез.
- Ана къолу ачытмаз.
- Акъыллы – эл иеси, тели – эл баласы.
- Адам сёзге тынгыла, акъыл сёзню ангыла.
- Тил – миллетни джаны.
- Акъыл къартда, джашда тюйюлдю – башдады.
- Гугурук къычырмаса да, тангны атары къалмаз.
- Айтханы чапыракъдан ётмеген.
- Насыблы элин сюер, насыбсыз кесин сюер.
- Бир онгсуз адам адет чыгъарды, деб эштирик тюлсе.
- Кёлсюзден сёзсюз тууар.
- Махтаннган къыз, тойда джукълар.
- Аманны къуугъан, аманлыкъ табар.
- Тешик этген тынчды, аны джамагъан къыйынды.
- Джигер – джаннга къыйынлыкъ.
- Ётюрюкню къуйругъу – бир тутум.
- Джерни букъусу кёкге къонмаз.
- Джеринден айырылгъан – джети джылар, джуртундан айырылгъан – ёлгюнчю джылар.
- Гитче джилтин уллу элни джандырыр.
- Абынмазлыкъ аякъ джокъ, джангылмазлыкъ джаякъ джокъ.
- Босагъагъа джууукъ орун болса, ашыгъыб тёрге озма.
- Кесинге джетмегенни, кёб сёлешме.
- Накъырданы арты керти болур.
- Ёксюзню тилеги къабыл болур.
- Аджалсыз ёлюм болмаз.
- Итли къонакъ джарашмаз.
- Мухарны эси – ашарыкъда.
- Адам боллукъ, атламындан белгили болур.
- Адамны сыфатына къарама, сёзюне къара.
- Дженгил джетерикме деб, узун джолну къоюб, къысхасын барма.
- Алтыннга тот къонмаз.
- Къарнынг бла ёч алма.
- Эркишини аманы тиширыуну джылатыр.
- Мадар болса, къадар болур.
- Кёкдеги болмаса, джердегин кёрмейди.
- Керек ташны ауурлугъу джокъ.
- Джырына кёре эжиую.
- Телиге акъыл салгъандан эсе, ёлгеннге джан салырса.
- Джетген къыз джерли эшекни танымаз.
- Гырджын – тепсини тамадасы.
Профиль
|
|
|||