- Айранны сюйген, ийнек тутар.
- Кютгени беш эчки, сызгъыргъаны уа, джерни джарады.
- Аман къатын алгъан, арыр, иги къатын алгъан джарыр.
- Этек чакъмакълары баш джаргъан, сёлешген сёзлери таш джаргъан.
- Ачлыкъ отха секиртир.
- Билим насыб берир, билим джолну керир.
- Тешигини къатында, чычхан да батыр болур.
- Эм уллу байлыкъ – джан саулукъ.
- Азыкъ аз болса, эртде орун сал.
- Тенгинг джокъ эсе – изле, бар эсе – сакъла!
- Адам туугъан джеринде, ит тойгъан джеринде.
- Окъумагъан сокъурду, сокъур ташха абыныр!
- Тиширыусуз юй – отсуз от джагъа.
- Кёб къычыргъандан – къоркъма, тынч олтургъандан – къоркъ.
- Къонакъ кёб келюучю юйню, къазаны отдан тюшмез.
- Аман адамны тепсинге олтуртсанг, къызынгы тилер.
- Биреуге аманлыкъны тилеме да, кесинге ашхылыкъны тиле.
- Чакъырылмагъан къонакъ – орунсуз.
- Ханы къызы буюгъа-буюгъа киштик болду.
- Садакъачыны джаны – къапчыгъында.
- Борчунг бар эсе, хурджунунга ойлаб узал.
- Насыблы элин сюер, насыбсыз кесин сюер.
- Джумушакъ терекни къурт ашар.
- Зарда марда джокъ.
- Иги джашны ышаны – аз сёлешиб, кёб тынгылар.
- Къартны бурнун сюрт да, оноугъа тут.
- Хар адамгъа кеси миннген тау кибик.
- Акъыл аздырмаз, билим тоздурмаз.
- Таула не мийик болсала да, аууш табылыр.
- Телиге от эт десенг, юйюнге от салыр.
- Акъдан къара болмаз.
- Чомартны къолу берекет.
- Эртде тургъан бла эртде юйленнген сокъуранмаз.
- Къыйынлы джети элни къайгъысын этер.
- Джаралыны джастыгъында сау ёлюр.
- Иги адам абынса да, джангылмаз.
- Юре билмеген ит, къонакъ келтирир.
- Хата – гитчеден.
- Адам сёзге тынгыла, акъыл сёзню ангыла.
- Бозаны арты дауур болур.
- Джарашыу сюйген – джалынчакъ.
- Ишлерге уял да, ашаргъа табма.
- Ач къалгъандан, кеч къалгъан къолай.
- Къонакъны къачан кетерин сорма, къачан келлигин сор.
- Окъугъанны бети джарыкъ.
- Уллу суу бла уллу ауруудан башынгы сакъла.
- Ачылгъан эт джабылыр, кёрген кёз унутмаз.
- Акъыл бла адеб эгизледиле.
- Сескекли кесин билдирир.
- Уруну арты – къуру.
Профиль
|
|
|||