- Оюмсуз атлагъан, аджалсыз ёлюр.
- Дуния малгъа сатылма, кесингден телиге къатылма.
- Иги адамны бир сёзю эки болмаз.
- Сескекли кесин билдирир.
- Бети къызарыучу адамны, джюреги харам болмаз.
- Эр абынмай, эл танымаз.
- Сабыр джетер муратха, сабырсыз къалыр уятха.
- Нарт сёз къарт болмаз.
- Ашыкъгъан cуу, тенгизге джетмез.
- Термилгенинги табмазса, кюлгенинге тюберсе.
- Адеби болмагъан къыз – тузсуз хант.
- Aдам боллукъ, сыфатындан белгили.
- Ашлыкъ – бюртюкден, джюн – тюкден.
- Зар адамны насыбы болмаз.
- Аш берме да, къаш бер.
- Игилик игилик бла сингдирилиучю затды.
- Арбаз къынгырды да, ийнек сауалмайма.
- Джырчы джырчыгъа – къарнаш.
- Душманны тышы – акъ, ичи – къара.
- Ауузу аманнга «иги», деме.
- Тойгъа барсанг, тоюб бар, эски тонунгу къоюб бар.
- Борчунг бар эсе, хурджунунга ойлаб узал.
- Ариу сёз – джаннга азыкъ, аман сёз – башха къазыкъ.
- Халкъгъа джарагъан, джарлы къалмаз.
- Кёб къычыргъандан – къоркъма, тынч олтургъандан – къоркъ.
- Хоншуну тауугъу къаз кёрюнюр, келини къыз кёрюнюр.
- Аман эсирсе, юйюн ояр.
- Арпа, будай – ащды, алтын, кюмюш а – ташды.
- Ашхылыкъ джерде джатмайды, аманлыкъ суугъа батмайды.
- Мухарны эси – ашарыкъда.
- Эки итни арасына сюек атма, эки адамны арасында сёз чыгъарма.
- Ишленмеклик адамлыкъды.
- Адамны артындан къара сабан сюрме.
- Акъыл сабырлыкъ берир.
- Булут кёкге джарашыу, уят бетге джарашыу.
- Билим ат болуб да чабар, къуш болуб да учар.
- Тенги кёбню джау алмаз, акъылы кёбню дау алмаз.
- Эртде тургъан бла эртде юйленнген сокъуранмаз.
- Сагъышы джокъ – джукъучу, акъылы джокъ – къаугъачы.
- Къумурсхала джыйылсала, пилни да джыгъадыла.
- Ариу сёз аурууунгу алыр.
- Башсыз урчукъ тюзюне айланмаз.
- Атлыны ашхысы, ат тизгининден билинир
- Намыс сатылыб алынмайды.
- Джарлы тюеге минсе да, ит къабар.
- Айырылгъанланы айю ашар, бёлюннгенлени бёрю ашар.
- Этни да ашады, бетни да ашады.
- Ашаса, ашамаса да, бёрюню ауузу – къан.
- Аманны тукъумуна къарама, игини тукъумун сорма.
- Ашхы тенг джолгъа салыр, аман тенг джолдан тайдырыр.
Профиль
|
|
|||