- Эркиши – от, тиширыу – суу.
- Терслик кетер, тюзлюк джетер.
- Этим кетсе да, сюегим къалыр.
- Адамгъа аман кюн соруб келмейди.
- Босагъагъа джууукъ орун болса, ашыгъыб тёрге озма.
- Бойнуму джети джерден кессенг да, мен ол ишни этеллик тюлме.
- Чакъырылмагъан къонакъ – орунсуз.
- Ата – билек, ана – джюрек!
- Кёбден умут этиб, аздан къуру къалма.
- Рысхысына кёре, джаш ёсер, къышлыгъына кёре, мал ёсер.
- Ашда – бёрю, ишде – ёлю.
- Ётюрюкню башын керти кесер.
- Тура эдим джата, къайдан чыкъды хата?
- Ариу сёз – къылычдан джити.
- «Ма», - дегенни билмесенг, «бер», - дегенни билмезсе.
- Игини сыйлагъан адетди.
- Чакъырылмагъан къонакъ къачан кетерин сормаз.
- Къоркъакъны кёзю экили кёрюр.
- Элни кючю – эмеген.
- Аш берме да, къаш бер.
- Тик ёргени, тик энгишгеси да болады.
- Ач къалгъандан, кеч къалгъан къолай.
- Ёгюзню мюйюзюнден тутадыла, адамны сёзюнден тутадыла.
- Тойчу джашха къарама, къойчу джашха къара.
- Эринчекни аурууу – кёб.
- Кёб ант этген, кёб ётюрюк айтыр.
- Акъыллы – эл иеси, тели – эл баласы.
- Aдам боллукъ, сыфатындан белгили.
- Байлыкъ тауусулур, билим тауусулмаз.
- Кийим тукъум сордурур.
- Ойнай-ойнай кёз чыгъар.
- Кесинг сынамагъан затны, адамгъа буюрма.
- Ашхы – джыяр, аман – джояр.
- Чабакъсыз кёлге къармакъ салгъанлыкъгъа, чабакъ тутмазса.
- Сёз сёзню айтдырыр.
- Къарт болгъан джерде, берекет болур, сабий болгъан джерде, оюн болур.
- Чомарт бергенин айтмаз.
- Эрни эр этерик да, къара джер этерик да, тиширыуду.
- Джангыз торгъай джырламаз.
- Нарт сёз – тилни бети.
- Къолунгдан къуймакъ ашатсанг да, атаны борчундан къутулмазса.
- Адебни адебсизден юрен.
- Эр сокъур болсун, къатын тилсиз болсун.
- Ач – эснер, ат – кишнер.
- Адамны адамлыгъы къыйынлыкъда айгъакъланады.
- Билимли ёлмез, билимсиз кёрмез.
- Бичгенде ашыкъма, тикгенде ашыкъ.
- Бетинги сатма, малынгы сат.
- Тойгъан джерден туугъан джер игиди.
- Олтуруб кёрюнмей эди да, ёрге туруб кёрюне эди.
Профиль
|
|
|||