- Къаллай салам берсенг, аллай джууаб алырса.
- Къарнынг бла ёч алма.
- Сагъыш – къартлыкъгъа сюйюмчю.
- Зар адам ашынгы ашар, кесинги сатар.
- Билими азны – ауузунда кирит.
- Ишге юренсин къоллары, халкъ бла болсун джоллары.
- Ёпкелегенни ашы татлы болады.
- Бек анасы джыламаз.
- Ач къалгъандан, кеч къалгъан къолай.
- Къарт айтханны этмеген, къартаймаз.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Ашхылыкъ джерде джатмайды, аманлыкъ суугъа батмайды.
- Биреуге аманлыкъны тилеме да, кесинге ашхылыкъны тиле.
- Адамны аманы адамны бети бла ойнар.
- Мухар, кеси тойса да, кёзю тоймаз.
- Суу кетер, таш къалыр.
- Чакъырылмагъан къонакъ къачан кетерин сормаз.
- Къарт болгъан джерде, берекет болур, сабий болгъан джерде, оюн болур.
- Къонакъ аман болса, къонакъбай джунчур
- Къонакъ аз олтурур, кёб сынар.
- Сабий болмагъан джерде, мёлек болмаз.
- Окъ къызбайны джокълайды.
- Къолунгдан къуймакъ ашатсанг да, атаны борчундан къутулмазса.
- Игини сыйлагъан адетди.
- Рысхысына кёре, джаш ёсер, къышлыгъына кёре, мал ёсер.
- Эте билген, этген этеди, эте билмеген, юретген этеди!
- Сабий кёргенин унутмаз.
- Къошда джокъгъа – юлюш джокъ.
- Ач келгенни – тойдур, кеч келгенни – къондур.
- Эки ойлашыб, бир сёлешген.
- Аз айтсам, кёб ангылагъыз.
- Эр абынмай, эл танымаз.
- Аманны эки битли тону болур, бирин сеннге кийдирир, бирин кеси киер.
- Таукел тауну аудурур.
- Эркишини аманы тиширыуну джылатыр.
- Ашлыкъны арба юйге келтирир, чана базаргъа элтир.
- Адамны джюреги нени кёрюрге сюйсе, кёзю да аны кёрюрге ёч болады.
- Эл элде бирер малынг болгъандан эсе, бирер тенгинг болсун.
- Олтуруб кёрюнмей эди да, ёрге туруб кёрюне эди.
- Сёз садакъдан кючлюдю.
- Къазанчы аман болса, къазаны къайнамаз.
- Къонакъ болсанг, ийнакъ бол.
- Тил – кесген бычакъ, сёз – атылгъан окъ.
- Чыкълы кюнде чыкъмагъан, чыкъса къуру кирмеген.
- Танг атмайма десе да, кюн къоярыкъ тюйюлдю.
- Ач да бол, токъ да бол – намысынга бек бол.
- Хансыз джомакъ болмаз.
- Чомартха хар кюн да байрамды.
- Башланнган иш битер, къымылдагъан тиш тюшер.
- Джолунга кёре – джюрюшюнг, джагъанга кёре – юлюшюнг.
Профиль
|
|
|||