- Чакъырылмагъан къонакъ къачан кетерин сормаз.
- Айран ичген – къутулду, джугъусун джалагъан – тутулду.
- Къонакъны къачан кетерин сорма, къачан келлигин сор.
- Къошда джокъгъа – юлюш джокъ.
- Къая джолда джортма, ачыкъ сёзден къоркъма.
- Къызбайны юйюне дери сюрсенг, батыр болур.
- Хоншуну тауугъу къаз кёрюнюр, келини къыз кёрюнюр.
- Аманны эки битли тону болур, бирин сеннге кийдирир, бирин кеси киер.
- Къыйынлы джети элге оноу этер.
- Акъдан къара болмаз.
- Аджашхан тёгерек айланыр.
- Аз сёлешген, къайгъысыз турур.
- Сабийни джумушха джибер да, ызындан бар.
- Тилчи тилден къаныкъмаз.
- Акъылсызны джууукъгъа алма, акъыллыны кенгнге салма.
- Аман адам этегингден тутса, кес да къач.
- Зар адам ашынгы ашар, кесинги сатар.
- Таякъ этден ётер, тил сюекден ётер.
- Таш ата билмеген, башына урур.
- Атадан ёксюз – бир ёксюз, анадан ёксюз – эки ёксюз.
- Кюл тюбюндеги от кёрюнмейди.
- Ургъан суудан башынгы сакъла.
- Этни бети бла шорпасы.
- Къаллай салам берсенг, аллай джууаб алырса.
- Хатерли къул болур.
- Хазыр ашха – терен къашыкъ.
- Къазанда болса, чолпугъа чыгъар.
- Огъурлуну сёзю – суу, огъурсузну сёзю – уу.
- Къулакъдан эсе, кёзге ышан.
- Къыз келсе, джумуш эте келеди, къатын келсе, ушакъ эте келеди.
- Къуру гыбыт бек дыгъырдар.
- Къайтырыкъ эшигинги, къаты уруб чыкъма.
- Къарт бла баш аша, джаш бла аякъ аша.
- Ёзденликни джайгъан – джокълукъ.
- Кёзюнде тереги болгъан, чёбю болгъаннга кюле эди.
- Акъыл неден да кючлюдю.
- Ашыкъгъан cуу, тенгизге джетмез.
- Тешигини къатында, чычхан да батыр болур.
- Кёкдеги болмаса, джердегин кёрмейди.
- Ауузу аманнга «иги», деме.
- Уллу суу бла уллу ауруудан башынгы сакъла.
- Джолда аягъынга сакъ бол, ушакъда тилинге сакъ бол.
- Джырчы ёлсе, джыры къалыр.
- Ата Джуртча джер болмаз, туугъан элча эл болмаз.
- Ашатыргъа иш – ашхы, ишлетирге аш – ашхы.
- Телиге от эт десенг, юйюнге от салыр.
- Тура эдим джата, къайдан чыкъды хата?
- Бир онгсуз адам адет чыгъарды, деб эштирик тюлсе.
- Тюз сёз баргъан сууну тыяр.
- Бойнуму джети джерден кессенг да, мен ол ишни этеллик тюлме.
Профиль
|
|
|
|||