- Олтуруб кёрюнмей эди да, ёрге туруб кёрюне эди.
- Къуру гыбыт бек дыгъырдар.
- Абынмазлыкъ аякъ джокъ, джангылмазлыкъ джаякъ джокъ.
- Чакъырылмагъан джерге барма, чакъырылгъан джерден къалма.
- Юреннген ауруу къалмаз.
- Ач, тоймам, дейди, тойгъан, ач болмам, дейди.
- Сангырау къулакъ эл бузар.
- Къыйынлы джети элни къайгъысын этер.
- Намыс сатылыб алынмайды.
- Чакъырылмагъан къонакъ – орунсуз.
- Бир абыннган – минг сюрюнюр.
- Сабыр джетер муратха, сабырсыз къалыр уятха.
- Билген билмегенни юретген адетди.
- Джырына кёре эжиую.
- Окъугъан – асыу, окъумагъан – джарсыу.
- Аз сёлеш, кёб ишле.
- Ишлегенден, къарагъан уста.
- Тас болгъан бычакъны сабы – алтын.
- Адебни адебсизден юрен.
- Тойгъан джерге джети къайт.
- Джол бла сёзню къыйыры джокъ.
- Ишленмеген джаш – джюгенсиз ат, ишленмеген къыз – тузсуз хант.
- Сёз садакъдан кючлюдю.
- Ётюрюк хапар аякъ тюбю бла джюрюйдю.
- Джыйырма къойну юч джыйырма эбзе кюте эди.
- Ашхы сёз таш тешер.
- Байлыкъ келсе, акъыл кетер.
- Экеулен сёлеше тура эселе, орталарына барыб кирме.
- Айтхан сёзюне табылгъан.
- Берекет берсин деген джерде, берекет болур.
- Ана къолу ачытмаз.
- Чакъырылмагъан къонакъ къачан кетерин сормаз.
- Таукел къуру къалмаз.
- Байлыкъ адамны сокъур этер.
- Аууздан келген, къолдан келсе, ким да патчах болур эди.
- Сёз къанатсыз учар.
- Ат да турмайды бир териде.
- Аман киши кеси юйюнде – къонакъ.
- Дуния мал дунияда къалады.
- Адамны джюреги нени кёрюрге сюйсе, кёзю да аны кёрюрге ёч болады.
- Къонагъы джокъну – шоху джокъ.
- Тиширыусуз юй – отсуз от джагъа.
- Къонакъ аман болса, къонакъбай джунчур
- Ач келгенни – тойдур, кеч келгенни – къондур.
- Къарнынг тойгъунчу аша да, белинг талгъынчы ишле.
- Ариуну – ауруу кёб.
- Харам къарнашдан, халал тенг ашхы.
- Юй кюйдю да, кюйюз чыкъды, ортасындан тюйюш чыкъды.
- Накъырда – кертини келечиси.
- Кёпюр салгъан кеси ётер, уру къазгъан кеси кетер.
Профиль
|
shpilyatvideocom
 Эльбрусоид
Баллов: 0
Регистрация: 29.01.2017
Последний визит: 29.01.2017 20:13:24
|
|
||||||
|
|
|
||||||