- Айныгъанлы алты кюн, тогъайгъанлы тогъуз кюн.
- Адамны сабийин сюйген джюреги, бычакъча, джитиди.
- Этни бети бла шорпасы.
- Джылкъыдан – ат чыгъар, тукъумдан – джаш чыгъар.
- Ана къойну – балагъа джандет.
- Эринчекни аурууу – кёб.
- Айтылгъан буйрукъ, сёгюлмез
- Харам къарнашдан, халал тенг ашхы.
- Тюз сёз баргъан сууну тыяр.
- Ойнай билмеген, уруб къачар.
- Ёлген аслан – сау чычхан.
- Юй ишлеген балта эшикде къалыр.
- Болджал ишни бёрю ашар.
- Туз, гырджын аша, тюзлюк бла джаша.
- Келинин тута билмеген, къул этер, къызын тута билмеген, тул этер.
- Шапа кёб болса, аш татымсыз болур.
- Уллу къазанда бишген эт, чий къалмаз.
- Акъыллы эркиши атын махтар, акъылсыз эркиши къатынын махтар.
- Асхат ашлыкъ сата, юйдегиси ачдан къата.
- Гыдай эчки суугъа къараб, мюйюзле кёрмесе, джашма алкъын, дегенди.
- Орну джокъну – сыйы джокъ.
- Джуртун къоругъан озар.
- Акъдан къара болмаз.
- Къолу уллу – асыу, аягъы уллу – джарсыу.
- Башланнган иш битер, къымылдагъан тиш тюшер.
- Айранын берсенг, челегин да къызгъанма.
- Мухар, кеси тойса да, кёзю тоймаз.
- Мени джылытмагъан кюн, меннге тиймесин!
- Джумушакъ сёз къаты таякъны сындырыр.
- Игини сыйлагъан адетди.
- Ауругъанны сау билмез, ач къарынны токъ билмез.
- Керти сёзге тёре джокъ.
- Ашда – бёрю, ишде – ёлю.
- Джашлыкъ этмеген, башлыкъ этмез.
- Къазанчы аман болса, къазаны къайнамаз.
- Эшекни не къадар тюйсенг да, ат болмаз.
- Джогъун бар этген, барын бал этген.
- Ишге юренсин къоллары, халкъ бла болсун джоллары.
- Къайгъыны сюйген, къайгъы табар.
- Битмегеннге сакъал – танг.
- Алгъанда – джууукъ, бергенде – джау.
- Къатын байлыкъны сюер, эр саулукъну сюер.
- Тюзлюк шохлукъну бегитир.
- Къатын къылыкъсыз, эр тынчлыкъсыз.
- Джарлы джети элни сёзюн этер.
- Кийим тукъум сордурур.
- Къарны аманнга къазан такъдырма, къолу аманнга от джакъдырма.
- Ургъан суудан башынгы сакъла.
- Ач къалгъандан, кеч къалгъан къолай.
- Татлы сёз – балдан татлы.
Профиль
|
||||