- Байны оноуу, джарлыгъа джарамаз.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Иги сеники эсе да, сюйген кесимикин этеме.
- Айырылмаз джууугъунга, унутмаз сёзню айтма.
- Сабыр джетер муратха, сабырсыз къалыр уятха.
- Адамны адамлыгъы къыйынлыкъда айгъакъланады.
- Телиге от эт десенг, юйюнге от салыр.
- Мадар болса, къадар болур.
- Ариу – кёзге, акъыл – джюрекге.
- Эли джокъну – кёлю джокъ.
- Джарлы тюеге минсе да, ит къабар.
- Айырылгъанланы айю ашар, бёлюннгенлени бёрю ашар.
- Ач къалгъандан, кеч къалгъан къолай.
- Джуртун къоругъан озар.
- Айыбны суу бла джууалмазса.
- Джашлыкъ этмеген, башлыкъ этмез.
- Сёз сёзню айтдырыр.
- Адеб джокъда, намыс джокъ.
- Чыкълы кюнде чыкъмагъан, чыкъса къуру кирмеген.
- Ханы къызы буюгъа-буюгъа киштик болду.
- Элни кючю – эмеген.
- Суугъа – таянма, джаугъа – ийнанма.
- Бал ашаргъа сюе эсенг, чибин ургъаннга тёз.
- Къулакъдан эсе, кёзге ышан.
- Экиндини кеч къылсанг, чабыб джетер ашхам.
- Чомартны къолун джокълукъ байлар.
- Берекет берсин деген джерде, берекет болур.
- Тамчы таш тешер.
- Зар адамны насыбы болмаз.
- Тойгъа алгъа да барма, тойда артха да къалма.
- Уллу атлама – абынырса, уллу къабма – къарылырса.
- Ёлген аслан – сау чычхан.
- Тойгъа барсанг, тоюб бар, эски тонунгу къоюб бар.
- Эрни эр этерик да, къара джер этерик да, тиширыуду.
- Аман киши кеси юйюнде – къонакъ.
- Ёгюзню мюйюзлери ауурлукъ этмейдиле.
- Аманны эки битли тону болур, бирин сеннге кийдирир, бирин кеси киер.
- Джолда аягъынга сакъ бол, ушакъда тилинге сакъ бол.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Ёзденликни джайгъан – джокълукъ.
- Мал тутхан – май джалар.
- Кёпюр салгъан кеси ётер, уру къазгъан кеси кетер.
- Эски джаугъа ышанма.
- Намысы джокъну – дуниясы джокъ.
- Къартха ушагъан джаш – акъыллы, джашха ушагъан къарт – тели.
- Харам къарнашдан, халал тенг ашхы.
- Тойчу джашха къарама, къойчу джашха къара.
- Аууздан келген, къолдан келсе, ким да патчах болур эди.
- Ач – эснер, ат – кишнер.
- Дуния мал дунияда къалады.
Профиль
|
|
|
|||