- Аякъларынгы джууургъанынга кёре узат.
- Азыкълы ат арымаз, къатыны аман джарымаз.
- Ханнга да келеди хариблик.
- Суу кетер, таш къалыр.
- Рысхы джалгъанды: келген да этер, кетген да этер.
- Баш – акъыл ючюн, акъылман – халкъ ючюн.
- Чакъырылгъанны аты, чакъырылмагъанны багъасы болур.
- Биреуню къыйынлыгъы бла кесинге джол ишлеме.
- Иги адамны бир сёзю эки болмаз.
- Таугъа чыгъаллыкъ эсенг, тюзде къалма.
- Чыкълы кюнде чыкъмагъан, чыкъса къуру кирмеген.
- Байлыкъ келсе, акъыл кетер.
- Джылар джаш, атасыны сакъалы бла ойнар.
- Гугурук къычырмаса да, тангны атары къалмаз.
- Бир онгсуз адам адет чыгъарды, деб эштирик тюлсе.
- Ишни ахырын ойламай, аллын башлама.
- Кёлсюзден сёзсюз тууар.
- Окъугъан озар, окъумагъан тозар.
- Кёрмегеннге кебек – танг, битмегеннге сакъал – танг.
- Тамырсыз терекге таянма – джыгъылырса.
- Къумурсхала джыйылсала, пилни да джыгъадыла.
- Ёзденликни кёбю ётюрюк.
- Ёлюр джаннга, ёкюл джокъ.
- Терслик кетер, тюзлюк джетер.
- Илму – джашауну джолу.
- Джырчы ёлсе, джыры къалыр.
- Ауругъанны сау билмез, ач къарынны токъ билмез.
- Башы ишлегенни, ауузу да ишлер.
- Билмейме деген – бир сёз
- Халкъны юйю – туугъан джери.
- Чомарт джарлы болмаз.
- Кимни – тили, тиши онглу, кимни – къолу, иши онглу.
- Къарт болгъан джерде, берекет болур, сабий болгъан джерде, оюн болур.
- Суугъа – таянма, джаугъа – ийнанма.
- Кёб джат да, бек чаб.
- Бети – къучакълар, джюреги – бычакълар.
- Къралынгы – душмандан, башынгы от бла суудан сакъла.
- Иши джокъну, сыйы джокъ.
- Эринчекни эр алмаз, эр алса да, кёл салмаз, кёл салса да, кёб бармаз!
- Тюзлюк шохлукъну бегитир.
- Туз, гырджын аша, тюзлюк бла джаша.
- Гитче джилтин уллу элни джандырыр.
- Зар адам ашынгы ашар, кесинги сатар.
- Атлыны ашхысы, ат тизгининден билинир
- Сютден ауузу кюйген, суугъа юфгюре эди.
- Адеб джокъда, намыс джокъ.
- Юй ишлеген балта эшикде къалыр.
- Акъыл аздырмаз, билим тоздурмаз.
- Ауузу аманнга «иги», деме.
- Кёзю сокъурдан – къоркъма, кёлю сокъурдан – къоркъ.
Профиль
|
|
|
|||