- Ашхы – джыяр, аман – джояр.
- Намыс сатылыб алынмайды.
- Сибиртки да сыйлы болду, кюрек да кюнлю болду.
- Алим болгъандан эсе, адам болгъан къыйынды.
- Ат басханны джер билед.
- Эрине къаргъыш этген къатын, эрнин къабар.
- Биреуню эскиси биреуге джангы болмайды.
- Ишин билген, аны сыйын чыгъарады.
- Джашынгы кесинг юретмесенг, джашау юретир.
- Ата – баланы уясы.
- Къартны бурнун сюрт да, оноугъа тут.
- Ышармагъан – кюлмез, кюлмеген – къууанчны билмез.
- Джангызны оту джарыкъ джанмаз!
- Керти сёзге тёре джокъ.
- Илму – джашауну джолу.
- Джети тилни билген джети кишиди.
- Ашхы болсанг, атынг чыгъар, аман болсанг, джанынг чыгъар.
- Мал ёлсе, сюек къалыр, адам ёлсе, иши къалыр.
- Джыгъылгъанны сырты джерден тоймаз.
- Къоркъакъны кёзю экили кёрюр.
- Эринчекни эр алмаз, эр алса да, кёл салмаз, кёл салса да, кёб бармаз!
- Бир онгсуз адам адет чыгъарды, деб эштирик тюлсе.
- Ауузу бла къуш тута айланады.
- Окъугъанны бети джарыкъ.
- Джеринден айырылгъан – джети джылар, джуртундан айырылгъан – ёлгюнчю джылар.
- Эркиши – от, тиширыу – суу.
- Ханы къызы буюгъа-буюгъа киштик болду.
- Битмегеннге сакъал – танг.
- Кёзню ачылгъаны – иги, ауузну джабылгъаны – иги.
- Аманнга да, игиге да оноусуз къатышма.
- Аз сёлеш, кёб ишле.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Ачыкъ джюрекге джол – ачыкъ.
- Минг тенг да азды, бир джау да кёбдю.
- Аш кетер да бет къалыр.
- Къонакъ аман болса, къонакъбай джунчур
- Адамны артындан къара сабан сюрме.
- Айранны сюйген, ийнек тутар.
- Бетинги сатма, малынгы сат.
- Аман къатын сабий табса, бий болур…
- Айтылгъан сёз ызына къайтмаз.
- Ойнай билмеген, уруб къачар.
- Аман киши кеси юйюнде – къонакъ.
- Къонагъы джокъну – шоху джокъ.
- Баланы адам этген анады.
- Мадар болса, къадар болур.
- Мухарны эси – ашарыкъда.
- Насыблы элин сюер, насыбсыз кесин сюер.
- Окъугъан озар, окъумагъан тозар.
- Ишге юренсин къоллары, халкъ бла болсун джоллары.
Профиль
|
|
|||