- Айран тёгюлсе, джугъусу къалыр.
- Юйюнгден чыкъдынг – кюнюнгден чыкъдынг.
- Ёлмесенг да, къарт дамы болмазса?
- Атлыны кёрсе, джаяуну буту талыр.
- Айырылгъанланы айю ашар, бёлюннгенлени бёрю ашар.
- Босагъа таш юйге кирмей эди, тыбыр таш эшикге чыкъмай эди.
- Тура эдим джата, къайдан чыкъды хата?
- Нарт сёз къарт болмаз.
- Кёб ант этген, кёб ётюрюк айтыр.
- Чомартны къолун джокълукъ байлар.
- Къарыусузгъа кюлме, онгсузгъа тийме.
- Кёзден кетген, кёлден да кетеди.
- Кенгеш болса, уруш болмаз.
- Хар ишни да аллы къыйынды.
- Кёрмегеннге кебек – танг, битмегеннге сакъал – танг.
- Джаш болсун, къыз болсун, акъылы, саны тюз болсун.
- Эр абынмай, эл танымаз.
- Тойгъандан сора, ашны сёкме.
- Ишлемеген – тишлемез.
- Байлыкъ болгъан джерде, тынчлыкъ джокъду.
- Рысхы – сют юсюнде кёмюк кибикди.
- Сёз садакъдан кючлюдю.
- Бёрю да ач къалмасын, эчки да ашалмасын.
- Уллу сёлешме да, уллу къаб.
- Къызгъанчдан ычхыныр, мухардан ычхынмаз.
- Малны кют, джерни тюрт.
- Билимли ёлмез, билимсиз кёрмез.
- Акъыллы – эл иеси, тели – эл баласы.
- Къызбайны юйюне дери сюрсенг, батыр болур.
- Арыгъан къош чамчы болур.
- Тай асырагъан, атха минер.
- Ата – билек, ана – джюрек!
- Эрни эр этерик да, къара джер этерик да, тиширыуду.
- Онгсузну – джакъла, тенгликни – сакъла.
- Байны оноуу, джарлыгъа джарамаз.
- Булут кёкге джарашыу, уят бетге джарашыу.
- Ашын ашагъанынгы, башын да сыйла.
- Кийим тукъум сордурур.
- Къарнынг ауруса, ауузунгу тый
- Кёз – сюйген джерде, къол – ауругъан джерде.
- Таукел тауну аудурур.
- Таукелге нюр джауар.
- Джукъу тёшек сайламайды.
- Ёзденликни кёбю ётюрюк.
- Иги сеники эсе да, сюйген кесимикин этеме.
- Адам сёзюнден белгили.
- Баргъанынга кёре болур келгенинг.
- Бетинги сатма, малынгы сат.
- Къызны минг тилер, бир алыр.
- Аманнга игилик этсенг, юйюнге сау бармазса.
Профиль
|
||||