- Джылкъыдан – ат чыгъар, тукъумдан – джаш чыгъар.
- Тулпарлыкъ, билекден тюл – джюрекден.
- Ётген ёмюр – акъгъан суу.
- Къартны сыйын кёрмеген, къартлыгъында сыйлы болмаз.
- Уллу суу бла уллу ауруудан башынгы сакъла.
- Акъылсызны джууукъгъа алма, акъыллыны кенгнге салма.
- Бети къызарыучу адамны, джюреги харам болмаз.
- Адамны артындан къара сабан сюрме.
- Аллахха ийнаннган кишини, Аллах онгдурур ишин.
- Битмегеннге сакъал – танг.
- Болджал ишни бёрю ашар.
- Сютден ауузу кюйген, суугъа юфгюре эди.
- Джырына кёре эжиую.
- Эринчекге кюн узун.
- Эл бла кёргенинг эрелей.
- Хунаны тюбюн къазсанг, юсюнге ауар.
- Тик ёргени, тик энгишгеси да болады.
- Адам сёзге тынгыла, акъыл сёзню ангыла.
- Ата Джуртча джер болмаз, туугъан элча эл болмаз.
- Джарлыны тону джаз битер.
- Сёз сёзню айтдырыр.
- Къатыны харакетли болса, эри къымсыз болур.
- Телини эшигин, махтау джабар.
- Ётюрюк хапар аякъ тюбю бла джюрюйдю.
- Миллетни бойну – базыкъ, аны бла кюрешген – джазыкъ.
- Къонакъ хазыр болгъанлыкъгъа, къонакъбай хазыр тюлдю.
- Айырылгъанланы айю ашар, бёлюннгенлени бёрю ашар.
- Элиб деген, элге болушур.
- Къонакъны къачан кетерин сорма, къачан келлигин сор.
- Мени джылытмагъан кюн, меннге тиймесин!
- Ариуну – ауруу кёб.
- Уллу атлама – абынырса, уллу къабма – къарылырса.
- Тойгъа алгъа да барма, тойда артха да къалма.
- Игиге айтсанг – билир, аманнга айтсанг – кюлюр.
- Алгъанда – джууукъ, бергенде – джау.
- Аджал соруб келмез, келсе, къайтыб кетмез.
- Къуллукъчума, деб махтанма, къуллукъ – хаух джамчыды!
- Билеги кючлю, бирни джыгъар, билими кючлю, мингни джыгъар.
- Къолунгдан къуймакъ ашатсанг да, атаны борчундан къутулмазса.
- Иесиз малны бёрю ашар.
- Аман адам элни бир-бирине джау этер.
- Чыбыкълыкъда бюгюлмеген, къазыкълыкъда бюгюлмей эди.
- Къар – келтирди, суу – элтди.
- Къулакъдан эсе, кёзге ышан.
- Юйюнгден чыкъдынг – кюнюнгден чыкъдынг.
- Айтханы чапыракъдан ётмеген.
- Сабийни джумушха джибер да, ызындан бар.
- Минг тенг да азды, бир джау да кёбдю.
- Билим ат болуб да чабар, къуш болуб да учар.
- Бал – татлы, балдан да бала – татлы.
Профиль
|
|
|||