- Ургъан суудан башынгы сакъла.
- Кёрмегеннге кебек – танг, битмегеннге сакъал – танг.
- Игиге айтсанг – билир, аманнга айтсанг – кюлюр.
- Атлыны кёрсе, джаяуну буту талыр.
- Этни да ашады, бетни да ашады.
- Таукел къуру къалмаз.
- Ат да турмайды бир териде.
- Башы джабылгъан челекге, кир тюшмез.
- Гугурук къычырмаса да, тангны атары къалмаз.
- Сютден ауузу кюйген, суугъа юфгюре эди.
- Таукелге нюр джауар.
- Билимсиз иш бармаз.
- Ашлыкъны арба юйге келтирир, чана базаргъа элтир.
- Къыз чыгъаргъан – къызыл къымжа.
- Чакъырылмагъан къонакъ – орунсуз.
- Телиге от эт десенг, юйюнге от салыр.
- Башда акъыл болмаса, эки аякъгъа кюч джетер.
- Джауумдан сора, кюн кюйдюрюр, ётюрюкден сора, айыб кюйдюрюр.
- Билеги кючлю, бирни джыгъар, билими кючлю, мингни джыгъар.
- Къазанны башы ачыкъ болса, итге уят керекди.
- Чомарт къонакъ юй иесин сыйлар.
- Кёбню кёрген – кёб билир.
- Эки элинги тыйсанг, джети элде махталырса.
- Душманны тышы – акъ, ичи – къара.
- Ишге юренсин къоллары, халкъ бла болсун джоллары.
- Уллу къашыкъ эрин джыртар.
- Тюкюрюк баш джармаз, налат кёз чыгъармаз!
- Ашарыкъда сайлагъаннга – чий гырджын.
- Экеу тутушса, биреу джыгъылыр.
- Баргъанынга кёре болур келгенинг.
- Агъач – джерни чырайы, кийим – эрни чырайы.
- Тамырсыз терекге таянма – джыгъылырса.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Хунаны тюбюн къазсанг, юсюнге ауар.
- Билген билмегенни юретген адетди.
- Байлыкъ тауусулур, билим тауусулмаз.
- Аякъларынгы джууургъанынга кёре узат.
- Махтаннган къыз, тойда джукълар.
- Ауругъанны сау билмез, ач къарынны токъ билмез.
- Джыйырма къойну юч джыйырма эбзе кюте эди.
- Кийиминг бла танылма, адамлыкъ бла таныл.
- Джарлы джети элни сёзюн этер.
- Къая джолда джортма, ачыкъ сёзден къоркъма.
- Джаш къарыу бла кючлю, къарт акъыл бла кючлю.
- Ана кёлю – балада, бала кёлю – талада.
- Айтхан – тынч, этген – къыйын.
- Тамбла алтындан бюгюн багъыр ашхы.
- Джаш болсун, къыз болсун, акъылы, саны тюз болсун.
- Ата Джуртун танымагъан, атасын да танымаз.
- Суугъа – чабакъ, къаягъа – ыргъакъ.
Профиль
|
||||