- Дуния малгъа сатылма, кесингден телиге къатылма.
- Тёзген – тёш ашар!
- Джырчы ёлсе, джыры къалыр.
- Джиби бир къат джетмей эди да, эки къат тарта эди.
- Кюл тюбюндеги от кёрюнмейди.
- Кимни – тили, тиши онглу, кимни – къолу, иши онглу.
- Ач къалгъандан, кеч къалгъан къолай.
- Игиге айтсанг – билир, аманнга айтсанг – кюлюр.
- Уруну арты – къуру.
- Къалгъан ишге къар джауар.
- Аманны эки битли тону болур, бирин сеннге кийдирир, бирин кеси киер.
- Аман хансны – урлугъу кёб.
- Акъыллы башны – тили къысха.
- Иги болса, тамадама – махтау, аман болса, меннге – айыб.
- Халкъны джырын джырласанг, халкъ санга эжиу этер.
- Билмезни кёзю кёрмез, этмезни къулагъы эшитмез.
- Ачлыкъда тары гырджын халыуадан татлы.
- Джерни букъусу кёкге къонмаз.
- Баргъанынга кёре болур келгенинг.
- Суугъа – таянма, джаугъа – ийнанма.
- Кесинге джетмегенни, кёб сёлешме.
- Мал тутхан – май джалар.
- Ач келгенни – тойдур, кеч келгенни – къондур.
- Зар адам ашынгы ашар, кесинги сатар.
- Уллу къашыкъ эрин джыртар.
- Тиширыусуз юй – отсуз от джагъа.
- Келинин тута билмеген, къул этер, къызын тута билмеген, тул этер.
- Къулакъдан эсе, кёзге ышан.
- Бастасын ашагъан, хантусун да ичер.
- Окъугъан – асыу, окъумагъан – джарсыу.
- Таукел адам тау тешер.
- Нёгер болсанг, тенг бол, тенг болмасанг, кенг бол.
- Сютден ауузу кюйген, суугъа юфгюре эди.
- Этим кетсе да, сюегим къалыр.
- Чёбню кёлтюрсенг, тюбюнден сёз чыгъар.
- Азыкъ аз болса, эртде орун сал.
- Татлы тилде – сёз ариу, чемер къолда – иш ариу.
- Бозанг болмагъан джерге, къалагъынгы сукъма.
- Башынга джетмегенни сорма.
- Къазанчы аман болса, къазаны къайнамаз.
- Джумушакъ сёз къаты таякъны сындырыр.
- Чакъырылгъанны аты, чакъырылмагъанны багъасы болур.
- Джаханимни кёрмей, джандетге кёл салмазса.
- Эки итни арасына сюек атма, эки адамны арасында сёз чыгъарма.
- Зарда марда джокъ.
- Дууулдаса – бал чибин, къонса – къара чибин.
- Азыгъы аз, алгъа къабар, аты аман, алгъа чабар.
- Азыкълы ат арымаз, къатыны аман джарымаз.
- Хар ишни да аллы къыйынды.
- Джыланны къуйругъундан басарынг келсе, аны башы болгъанын унутма.
Профиль
|
|
|
|||