- Джангызны оту джарыкъ джанмаз!
- Экеулен сёлеше тура эселе, орталарына барыб кирме.
- Сакъ юйюне сау барыр.
- Душманны тышы – акъ, ичи – къара.
- Тау башында, тау болмаз, джангыз терек, бау болмаз.
- Нарт сёз – тилни бети.
- Сёз – кюмюш, джыр – алтын.
- Кесине оноу эте билмеген, халкъына да эте билмез.
- Хатерли къул болур.
- Киштикге къанат битсе, чыпчыкъ къалмаз эди.
- Адамны бетине къарама, адетине къара.
- Окъуусуз билим – джокъ, билимсиз кюнюнг – джокъ.
- Къызбайны юйюне дери сюрсенг, батыр болур.
- Чакъырылмагъан къонакъ тёрге атламаз.
- Битмегеннге сакъал – танг.
- Адамны аты башхача, акъылы да башхады.
- Эри аманны, къатыны – аман.
- Хар ишни да аллы къыйынды.
- Адамны джюреги нени кёрюрге сюйсе, кёзю да аны кёрюрге ёч болады.
- Акъыл неден да кючлюдю.
- Окъ къызбайны джокълайды.
- Сескекли кесин билдирир.
- Кёлю джокъну – джолу джокъ.
- Арбаз сайлама да, хоншу сайла.
- Миллетни бойну – базыкъ, аны бла кюрешген – джазыкъ.
- Хансыз джомакъ болмаз.
- Экеу тутушса, биреу джыгъылыр.
- Окъуу – билимни ачхычы, окъуу – дунияны бачхычы.
- Нёгер болсанг, тенг бол, тенг болмасанг, кенг бол.
- Хазыр ашха – терен къашыкъ.
- Баланы адам этген анады.
- Ёлюр джаннга, ёкюл джокъ.
- Кирсизни – саны таза, халалны – къаны таза.
- Кёл ашады да, кеси ашады.
- Адамны сабийин сюйген джюреги, бычакъча, джитиди.
- Адеби болмагъан къыз – тузсуз хант.
- Ач келгенни – тойдур, кеч келгенни – къондур.
- Бал ашаргъа сюе эсенг, чибин ургъаннга тёз.
- Кютгени беш эчки, сызгъыргъаны уа, джерни джарады.
- Эрине къаргъыш этген къатын, эрнин къабар.
- Ашарыкъда сайлагъаннга – чий гырджын.
- Ушамагъан – джукъмаз.
- Къарт бла баш аша, джаш бла аякъ аша.
- Элге къуллукъ этмеген, элге ие болмаз.
- Хантына кёре тузу, юйюне кёре къызы.
- Суу ичген шауданынга тюкюрме.
- Къазанчы аман болса, къазаны къайнамаз.
- Тюкюрюк баш джармаз, налат кёз чыгъармаз!
- Ёгюзню мюйюзлери ауурлукъ этмейдиле.
- Эркишиге тары кебек танг кёрюнюр.
Профиль
|
||||