- Эски джаугъа ышанма.
- Тура эдим джата, къайдан чыкъды хата?
- Алгъанда – джууукъ, бергенде – джау.
- Эрине къаргъыш этген къатын, эрнин къабар.
- Гыдай эчки суугъа къараб, мюйюзле кёрмесе, джашма алкъын, дегенди.
- Чакъырылмагъан джерге барма, чакъырылгъан джерден къалма.
- Чоюнну башы ачыкъ болса, итге уят керекди.
- Бети – къучакълар, джюреги – бычакълар.
- Орундукъ тюбюнде атылсам да, орта джиликме, де да айлан.
- Джауумдан сора, кюн кюйдюрюр, ётюрюкден сора, айыб кюйдюрюр.
- Айыбны суу бла джууалмазса.
- Тас болгъан бычакъны сабы – алтын.
- Уллу айтханны этмеген – уллаймаз.
- Ана къойну – балагъа джандет.
- Биреуню эскиси биреуге джангы болмайды.
- Аджаллыгъа окъсуз шкок атылыр.
- Ашхы сёз таш тешер.
- Джаралыны джастыгъында сау ёлюр.
- Ариуну – ауруу кёб.
- Эли джокъну – кёлю джокъ.
- Къайтырыкъ эшигинги, къаты уруб чыкъма.
- Итли къонакъ джарашмаз.
- Джиби бир къат джетмей эди да, эки къат тарта эди.
- Джарлы тюеге минсе да, ит къабар.
- Сормай – алма, чакъырылмай – барма.
- Гугук кесини атын айтыб къычыргъанча, мен, мен деб нек тураса?
- Эки итни арасына сюек атма, эки адамны арасында сёз чыгъарма.
- Къонакъ аман болса, къонакъбай джунчур
- Аманнга да, игиге да оноусуз къатышма.
- Чалманны аллы къалай башланса, арты да алай барады.
- Терслик кетер, тюзлюк джетер.
- Бек анасы джыламаз.
- Телиге акъыл салгъандан эсе, ёлгеннге джан салырса.
- Шапа кёб болса, аш татымсыз болур.
- Эркишини аманы тиширыуну джылатыр.
- Таукелге нюр джауар.
- Ишленмеклик адамлыкъды.
- Сакъалы текени да бар, мыйыгъы киштикни да бар.
- Ёксюзню къалачы уллу кёрюнюр.
- Тамбла алтындан бюгюн багъыр ашхы.
- Ёмюрлюк шохлукъну джел элтмез.
- Къартны бурнун сюрт да, оноугъа тут.
- Кёкдеги болмаса, джердегин кёрмейди.
- Джюрекге ариу – кёзге да ариу.
- Азыкъ аз болса, эртде орун сал.
- Чабакъ башындан чирийди.
- Иги адамны бир сёзю эки болмаз.
- Уллу къазанда бишген эт, чий къалмаз.
- Къууут – джелге, берне – бошха.
- Уллу къашыкъ эрин джыртар.
Профиль
|
|
|
|||