- Джан саулукъ бермей, сан саулукъ бермезсе.
- Айныгъанлы алты кюн, тогъайгъанлы тогъуз кюн.
- Ханы къызы буюгъа-буюгъа киштик болду.
- Дуния мал дунияда къалады.
- Эринчекни эр алмаз, эр алса да, кёл салмаз, кёл салса да, кёб бармаз!
- Джети тилни билген джети кишиди.
- Сабий болмагъан джерде, мёлек болмаз.
- Ишлемеген – тишлемез.
- Къар – келтирди, суу – элтди.
- Суугъа – таянма, джаугъа – ийнанма.
- Атлыны кёрсе, джаяуну буту талыр.
- Ёмюрлюк шохлукъну джел элтмез.
- Къызны минг тилер, бир алыр.
- Ойнай-ойнай кёз чыгъар.
- Айыбны суу бла джууалмазса.
- Эл элде бирер малынг болгъандан эсе, бирер тенгинг болсун.
- Баш – акъыл ючюн, акъылман – халкъ ючюн.
- Акъылсызны джууукъгъа алма, акъыллыны кенгнге салма.
- Олтуруб кёрюнмей эди да, ёрге туруб кёрюне эди.
- Эркиши – от, тиширыу – суу.
- Чакъырылмагъан къонакъ тёрге атламаз.
- Асхат ашлыкъ сата, юйдегиси ачдан къата.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Ким бла джюрюсенг, аны кёзю бла кёрюнюрсе.
- Кесинге джетмегенни, кёб сёлешме.
- Нёгер болсанг, тенг бол, тенг болмасанг, кенг бол.
- Эм ашхы къайын ана мамукъ бла башынгы тешер.
- Аман адамны тепсинге олтуртсанг, къызынгы тилер.
- Акъыллы башны – тили къысха.
- Тюз сёз баргъан сууну тыяр.
- Суу ичген шауданынга тюкюрме.
- Биреуню тёрюнден, кесинги эшик артынг игиди.
- Рысхысына кёре, джаш ёсер, къышлыгъына кёре, мал ёсер.
- Алим болгъандан эсе, адам болгъан къыйынды.
- Чабар ат – джетген къыз.
- Кюлме джашха – келир башха.
- Чёбню кёлтюрсенг, тюбюнден сёз чыгъар.
- Ауузу бла къуш тута айланады.
- Сютню башын джалагъан къутулур, тюбюн ичген тутулур.
- Тойгъандан сора, ашны сёкме.
- Къыз чыгъаргъан – къызыл къымжа.
- Тюзлюк тас болмайды.
- Ашатыргъа иш – ашхы, ишлетирге аш – ашхы.
- Адеб джокъда, намыс джокъ.
- Уясында не кёрсе, учханында аны этер.
- Байлыкъ болгъан джерде, тынчлыкъ джокъду.
- Байлыкъ адамны сокъур этер.
- Тойгъан джерден туугъан джер игиди.
- Хатерли къул болур.
- Хазыр ашха – терен къашыкъ.
Профиль
|
||||