- Тёрени джагъы джокъ.
- Телиге от эт десенг, юйюнге от салыр.
- Къонакъ хазыр болгъанлыкъгъа, къонакъбай хазыр тюлдю.
- Эл ауузу – элия.
- Рысхы – насыбха къор.
- Кёл – къызбай, къол – батыр.
- Миллетни бойну – базыкъ, аны бла кюрешген – джазыкъ.
- Эр абынмай, эл танымаз.
- Къарын къуру болса, джюрек уру болур.
- Кёлсюзден сёзсюз тууар.
- Бети – къучакълар, джюреги – бычакълар.
- Келлик заман – къартлыкъ келтирир, кетген заман – джашлыкъ ёлтюрюр.
- Къуру гыбыт бек дыгъырдар.
- Билмегенинги, билгеннге сор.
- Джахил болса анасы, не билликди баласы?
- Ата – билек, ана – джюрек!
- Кёлю джокъну – джолу джокъ.
- Аз сёлешген, къайгъысыз турур.
- Билеги кючлю, бирни джыгъар, билими кючлю, мингни джыгъар.
- Сёз къанатсыз учар.
- Битмегеннге сакъал – танг.
- Хата – гитчеден.
- Мухар, кеси тойса да, кёзю тоймаз.
- Таякъ этден ётер, тил сюекден ётер.
- Уллу къазанда бишген эт, чий къалмаз.
- Ашыкъгъанны этеги бутуна чырмалыр.
- Кесине оноу эте билмеген, халкъына да эте билмез.
- Окъ къызбайны джокълайды.
- Акъыллы башны – тили къысха.
- Башда акъыл болмаса, эки аякъгъа кюч джетер.
- Ишленмеклик адамлыкъды.
- От кюйдюрген, сау болса да, тот кюйдюрген, сау болмаз.
- Ач уят къоймаз.
- Къарнынг тойгъунчу аша да, белинг талгъынчы ишле.
- Ёксюзню тилеги къабыл болур.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Аманнга игилик этсенг, юйюнге сау бармазса.
- Айныгъанлы алты кюн, тогъайгъанлы тогъуз кюн.
- Аш кетер да бет къалыр.
- Юре билмеген ит, къонакъ келтирир.
- Къобан да къуру да къобханлай турмайды, адам да къуру да патчахлай турмайды.
- Кенгеш болса, уруш болмаз.
- Таула не мийик болсала да, аууш табылыр.
- Биреу ашаб къутулур, биреу джалаб тутулур.
- Мени джылытмагъан кюн, меннге тиймесин!
- Зар адам ашынгы ашар, кесинги сатар.
- Джигер – джаннга къыйынлыкъ.
- Таукел адам тау тешер.
- Ауузу бла къуш тута айланады.
- Азыкъ аз болса, эртде орун сал.
Профиль
|
||||