- Джылкъыдан – ат чыгъар, тукъумдан – джаш чыгъар.
- Ишлемеген – тишлемез.
- Кёзюнде тереги болгъан, чёбю болгъаннга кюле эди.
- Ашхы сёз таш тешер.
- Керек ташны ауурлугъу джокъ.
- Зарда марда джокъ.
- Мураты болгъанны джюрек тебюую башхады.
- Игиге айтсанг – билир, аманнга айтсанг – кюлюр.
- Ашхы адам – халкъ байлыгъы, ашхы джер – джашау байлыгъы.
- Мал ёлсе, сюек къалыр, адам ёлсе, иши къалыр.
- Кёбню кёрген – кёб билир.
- Аман адамны тепсинге олтуртсанг, къызынгы тилер.
- Рысхы – сют юсюнде кёмюк кибикди.
- Халкъны юйю – туугъан джери.
- Ишге юренсин къоллары, халкъ бла болсун джоллары.
- Айтхан – тынч, этген – къыйын.
- Ариу сёз джыланны орнундан чыгъарыр.
- Ата джурт – алтын бешик.
- Бал чибинни ургъаны – ачы, балы – татлы.
- Башынга джетмегенни сорма.
- Биреу къой излей, биреу той излей.
- Ишлегенден, къарагъан уста.
- Дженгил джетерикме деб, узун джолну къоюб, къысхасын барма.
- Къуру гыбыт бек дыгъырдар.
- Алма терегинден кери кетмез.
- Ауругъанны сау билмез, ач къарынны токъ билмез.
- Кёбден умут этиб, аздан къуру къалма.
- Баргъанынга кёре болур келгенинг.
- Мухардан ач ычхынмаз.
- Аш берме да, къаш бер.
- Чомарт къолда мал къалмаз.
- Айтхан сёзюне табылгъан.
- Танг атмайма десе да, кюн къоярыкъ тюйюлдю.
- Джаш къарыу бла кючлю, къарт акъыл бла кючлю.
- Джыланны къуйругъундан басарынг келсе, аны башы болгъанын унутма.
- Сангырау къулакъ эл бузар.
- Ашын ашагъанынгы, башын да сыйла.
- Атынг аманнга чыкъгъандан эсе, джанынг тамагъынгдан чыкъсын.
- Ач къарным, тынч къулагъым.
- Олтуруб кёрюнмей эди да, ёрге туруб кёрюне эди.
- Джукъу тёшек сайламайды.
- Кёбге таш атма.
- Арба аугъандан сора, джол кёргюзтюучю кёб болур.
- Садакъачыны джаны – къапчыгъында.
- Чабакъсыз кёлге къармакъ салгъанлыкъгъа, чабакъ тутмазса.
- Къая джолда джортма, ачыкъ сёзден къоркъма.
- Аман хансны – урлугъу кёб.
- Керилген да, ургъан кибикди.
- Нарт сёз – тилни бети.
- Къолу уллу – асыу, аягъы уллу – джарсыу.
Профиль
|
||||