- Аманнга алтын чыдамаз.
- Термилгенинги табмазса, кюлгенинге тюберсе.
- Къонакъ аман болса, къонакъбай джунчур
- Тура эдим джата, къайдан чыкъды хата?
- Миллетни бойну – базыкъ, аны бла кюрешген – джазыкъ.
- Мал кёб болса, джууукъ кёб болур.
- Юйюнг бла джау болгъандан эсе, элинг бла джау бол.
- Сабыр джетер муратха, сабырсыз къалыр уятха.
- Джарлы тюеге минсе да, ит къабар.
- Ач къалгъандан, кеч къалгъан къолай.
- Элни кючю – эмеген.
- Керти сёзге тёре джокъ.
- Ашхылыкъ джерде джатмайды, аманлыкъ суугъа батмайды.
- Джыйырма къойну юч джыйырма эбзе кюте эди.
- Ашхы атаны – джашы ашхы, ашхы ананы – къызы ашхы.
- Таукел тауну аудурур.
- Биреуню эскиси биреуге джангы болмайды.
- Адам туугъан джеринде, ит тойгъан джеринде.
- Джетген къыз джерли эшекни танымаз.
- Асхат ашлыкъ сата, юйдегиси ачдан къата.
- Адамны артындан къара сабан сюрме.
- Джашлыкъ этмеген, башлыкъ этмез.
- Къарнынг тойгъунчу аша да, белинг талгъынчы ишле.
- Къайтырыкъ эшигинги, къаты уруб чыкъма.
- Джарлыны эшигин махтагъан джабар.
- Арбаз сайлама да, хоншу сайла.
- Джеринден айырылгъан – джети джылар, джуртундан айырылгъан – ёлгюнчю джылар.
- Чыбыкълыкъда бюгюлмеген, къазыкълыкъда бюгюлмей эди.
- Тас болгъан бычакъны сабы – алтын.
- Ач, тоймам, дейди, тойгъан, ач болмам, дейди.
- Ашын ашагъанынгы, башын да сыйла.
- Кёзю сокъурдан – къоркъма, кёлю сокъурдан – къоркъ.
- Эркишиге тары кебек танг кёрюнюр.
- Гырджын – тепсини тамадасы.
- Билимсиз иш бармаз.
- Бал – татлы, балдан да бала – татлы.
- Тин – байлыгъынг, терен саулугъунг.
- Ишлегенде эринме, ишде чолакъ кёрюнме.
- Ана къолу ачытмаз.
- Нёгерсизни джолу узун.
- Кёбден умут этиб, аздан къуру къалма.
- Джарлы эскисин джамаса, къууаныр.
- Ёгюзню мюйюзлери ауурлукъ этмейдиле.
- Айтхан – тынч, этген – къыйын.
- Тешик этген тынчды, аны джамагъан къыйынды.
- Аманнга да, игиге да оноусуз къатышма.
- Тойчу джашха къарама, къойчу джашха къара.
- Тели турса – той бузар.
- Джашынгы кесинг юретмесенг, джашау юретир.
- Тёгюлген тюгел джыйылмайды.
Профиль
|
|
|||