- Айыбны суу бла джууалмазса.
- Гыдай эчки суугъа къараб, мюйюзле кёрмесе, джашма алкъын, дегенди.
- Сакъламагъан затынга джолукъсанг, не бек къууанаса, не бек ачыйса.
- Шапа кёб болса, аш татымсыз болур.
- Окъ къызбайны джокълайды.
- Эм уллу байлыкъ – джан саулукъ.
- Иги бла джюрюсенг, джетерсе муратынга, аман бла джюрюсенг, къалырса уятха.
- Джогъун бар этген, барын бал этген.
- Къызбайны юйюне дери сюрсенг, батыр болур.
- Билимден уллу байлыкъ джокъду.
- Аманнга игилик этсенг, юйюнге сау бармазса.
- Ана кёлю – балада, бала кёлю – талада.
- Ариу сёз джыланны орнундан чыгъарыр.
- Уруну арты – къуру.
- Хар зат кесини орнуна иги.
- Тамчы таш тешер.
- Джашынгы кесинг юретмесенг, джашау юретир.
- Окъугъанны бети джарыкъ.
- Битмегеннге сакъал – танг.
- Къызгъанчдан ычхыныр, мухардан ычхынмаз.
- Атадан ёксюз – бир ёксюз, анадан ёксюз – эки ёксюз.
- Къуллукъчума, деб махтанма, къуллукъ – хаух джамчыды!
- Ариу сёз – къылычдан джити.
- Нарт сёз къарт болмаз.
- Тёрени джагъы джокъ.
- Эртде тургъан джылкъычыны эркек аты тай табар.
- Бозанг болмагъан джерге, къалагъынгы сукъма.
- Тойгъан джерге джети къайт.
- Чыбыкълыкъда бюгюлмеген, къазыкълыкъда бюгюлмей эди.
- Къанны къан бла джуума, аманны аман бла къуума.
- Къоркъакъны кёзю экили кёрюр.
- Джюрекден джюрекге джол барды.
- Ашхылыкъ джерде джатмайды, аманлыкъ суугъа батмайды.
- Юй ишлеген балта эшикде къалыр.
- Ач – эснер, ат – кишнер.
- Кесине гебен этелмеген, биреуге черен эте эди.
- Аман адам элни бир-бирине джау этер.
- Билимли ёлмез, билимсиз кёрмез.
- Джюз элде джюз ёгюзюм болгъандан эсе, джюз джууугъум болсун.
- Аллахдан тилесенг, кёб тиле.
- Ётюрюкчюню шагъаты – къатында.
- Огъурлуну сёзю – суу, огъурсузну сёзю – уу.
- Ёлген аслан – сау чычхан.
- Къарнынг ауруса, ауузунгу тый
- Юй кюйдю да, кюйюз чыкъды, ортасындан тюйюш чыкъды.
- Ат да турмайды бир териде.
- Къонакъ аз олтурур, кёб сынар.
- Къонакъ аман болса, къонакъбай джунчур
- Тойгъан антын унутур.
- Айран ичген – къутулду, джугъусун джалагъан – тутулду.
Профиль
|
|
|
|||