Эльбрусоид :: Форум

Чомартха хар кюн да байрамды.
Ачны эсинде – аш.
Джыланны къуйругъундан басарынг келсе, аны башы болгъанын унутма.
Бёрю да ач къалмасын, эчки да ашалмасын.
Шапа кёб болса, аш татымсыз болур.
Чыкълы кюнде чыкъмагъан, чыкъса къуру кирмеген.
Кесине гебен этелмеген, биреуге черен эте эди.
Ана кёлю – балада, бала кёлю – талада.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Ата Джуртча джер болмаз, туугъан элча эл болмаз.
Кёзю сокъурдан – къоркъма, кёлю сокъурдан – къоркъ.
Чомартны къолу берекет.
Ханы къызы буюгъа-буюгъа киштик болду.
Кёбге таш атма.
Душманны тышы – акъ, ичи – къара.
Аш иеси бла татлыды.
Хаухну атма, ёнгкючню сатма.
Ат да турмайды бир териде.
Уясында не кёрсе, учханында аны этер.
Джогъун бар этген, барын бал этген.
От этилмеген джерден тютюн чыкъмайды.
Окъугъан озар, окъумагъан тозар.
Тойну къарнашы – харс, джырны къарнашы – эжиу.
Эшекни не къадар тюйсенг да, ат болмаз.
Джашынгы кесинг юретмесенг, джашау юретир.
Иги джашны ышаны – аз сёлешиб, кёб тынгылар.
Аманнга да, игиге да оноусуз къатышма.
Ата – баланы уясы.
Тыш элде солтан болгъандан эсе, кесинги элде олтан болгъан игиди!
Иги адам абынса да, джангылмаз.
Айтылгъан сёз ызына къайтмаз.
Аджалсыз ёлюм болмаз.
Хунаны тюбюн къазсанг, юсюнге ауар.
Ата Джуртун танымагъан, атасын да танымаз.
Къая джолда джортма, ачыкъ сёзден къоркъма.
Аман къатын сабий табса, бий болур…
Ашда уялгъан – мухар, ишде уялгъан – хомух.
Юй кюйдю да, кюйюз чыкъды, ортасындан тюйюш чыкъды.
Ашаса, ашамаса да, бёрюню ауузу – къан.
Чакъырылмагъан къонакъ тёрге атламаз.
Билмезни кёзю кёрмез, этмезни къулагъы эшитмез.
Эли джокъну – кёлю джокъ.
Акъыллы башны – тили къысха.
Байны къызы баймакъ болса да, юйде къалмаз!
Ашхы – джыяр, аман – джояр.
Къартха ушагъан джаш – акъыллы, джашха ушагъан къарт – тели.
Аманнга алтын чыдамаз.
Ёксюзню тилеги къабыл болур.
Бозаны арты дауур болур.
Аз сёлеш, кёб ишле.

Логин:
Пароль:
	Запомнить меня на этом компьютере

Забыли свой пароль?
Регистрация