Эльбрусоид :: Форум

Кесинг сынамагъан затны, адамгъа буюрма.
Кёрмегеннге кебек – танг, битмегеннге сакъал – танг.
Борчунг бар эсе, хурджунунга ойлаб узал.
Чомарт джарлы болмаз.
Махтаннган къыз, тойда джукълар.
«Ма», - дегенни билмесенг, «бер», - дегенни билмезсе.
Аш берме да, къаш бер.
Ашатыргъа иш – ашхы, ишлетирге аш – ашхы.
Джахил болса анасы, не билликди баласы?
Туз, гырджын аша, тюзлюк бла джаша.
Ариу – кёзге, акъыл – джюрекге.
Бойнуму джети джерден кессенг да, мен ол ишни этеллик тюлме.
Байлыкъ тауусулур, билим тауусулмаз.
Ач, тоймам, дейди, тойгъан, ач болмам, дейди.
Тойгъан джерден туугъан джер игиди.
Игини сыйлагъан адетди.
Айтхан сёзюне табылгъан.
Къарт болгъан джерде, берекет болур, сабий болгъан джерде, оюн болур.
Агъач халкъгъа алтынды, иссиликге салкъынды.
Билмегенинги, билгеннге сор.
Юй ишлеген балта эшикде къалыр.
Ашарыкъда сайлагъаннга – чий гырджын.
Ашын ашагъанынгы, башын да сыйла.
Ариу сёз джыланны орнундан чыгъарыр.
Юре билмеген ит, къонакъ келтирир.
Ишни ахырын ойламай, аллын башлама.
Къыз тиширыу кеси юйюнде да къонакъды.
Тас болгъан бычакъны сабы – алтын.
Эл элде бирер малынг болгъандан эсе, бирер тенгинг болсун.
Кечеси – аяз, кюню – къыш, джарлы къаргъагъа бир аш тюш!
Мен да «сен», дейме, сен да «кесим», дейсе.
Окъугъан озар, окъумагъан тозар.
Бозанг болмагъан джерге, къалагъынгы сукъма.
Уллу сёзде уят джокъ.
Джарашыу сюйген – джалынчакъ.
Сабий болмагъан джерде, мёлек болмаз.
Тик ёргени, тик энгишгеси да болады.
Тойгъанлыкъ къойгъа джарашады.
Къар – келтирди, суу – элтди.
Тешик этген тынчды, аны джамагъан къыйынды.
Гугук кесини атын айтыб къычыргъанча, мен, мен деб нек тураса?
Эрни эр этерик да, къара джер этерик да, тиширыуду.
Адамны артындан къара сабан сюрме.
Ким бла джюрюсенг, аны кёзю бла кёрюнюрсе.
Ёлген эшек бёрюден къоркъмайды.
Тюзлюк шохлукъну бегитир.
Соргъан айыб тюлдю, билмеген айыбды.
Джашлыкъ этмеген, башлыкъ этмез.
Тил бла келеди джыр да.
Гырджын – тепсини тамадасы.

Логин:
Пароль:
	Запомнить меня на этом компьютере

Забыли свой пароль?
Регистрация