- Ётюрюк хапар аякъ тюбю бла джюрюйдю.
- Акъыл неден да кючлюдю.
- Тилчи тилден къаныкъмаз.
- Ёлмесенг да, къарт дамы болмазса?
- Тилчи бир сагъатха айлыкъ хата этер.
- Ашхылыкъ джерде джатмайды, аманлыкъ суугъа батмайды.
- Аман киши кеси юйюнде – къонакъ.
- Эри аманны, къатыны – аман.
- Джан саулукъ бермей, сан саулукъ бермезсе.
- Уллу суу бла уллу ауруудан башынгы сакъла.
- Айтханы чапыракъдан ётмеген.
- Игиге айтсанг – билир, аманнга айтсанг – кюлюр.
- Билмезни кёзю кёрмез, этмезни къулагъы эшитмез.
- Чомарт бергенин айтмаз.
- Аман адам этегингден тутса, кес да къач.
- Харам къарнашдан, халал тенг ашхы.
- Иги джашны ышаны – аз сёлешиб, кёб тынгылар.
- Тюз сёз баргъан сууну тыяр.
- Къазанчы аман болса, къазаны къайнамаз.
- Чомартха хар кюн да байрамды.
- Сёз – кюмюш, джыр – алтын.
- Ашатыргъа иш – ашхы, ишлетирге аш – ашхы.
- Насыблы элин сюер, насыбсыз кесин сюер.
- Акъыл къартда, джашда тюйюлдю – башдады.
- Айран тёгюлсе, джугъусу къалыр.
- Мени джылытмагъан кюн, меннге тиймесин!
- Тай асырагъан, атха минер.
- Сабий болмагъан джерде, мёлек болмаз.
- Аман хансны – урлугъу кёб.
- Орундукъ тюбюнде атылсам да, орта джиликме, де да айлан.
- Къатын байлыкъны сюер, эр саулукъну сюер.
- Къарнынг къанлынга кийирир.
- Аджалсыз ёлюм болмаз.
- Башынга джетмегенни сорма.
- Кёрмегеннге кебек – танг, битмегеннге сакъал – танг.
- Ариу сёзде ауруу джокъ.
- Ариу сёз джыланны орнундан чыгъарыр.
- Ёлюр джаннга, ёкюл джокъ.
- Къыйынлы джети элге оноу этер.
- Келинин тута билмеген, къул этер, къызын тута билмеген, тул этер.
- Шапа кёб болса, аш татымсыз болур.
- Сютню башын джалагъан къутулур, тюбюн ичген тутулур.
- Уллу айтханны этмеген – уллаймаз.
- Ишлегенден, къарагъан уста.
- Урунуу – насыбны анасы.
- Биреу ашаб къутулур, биреу джалаб тутулур.
- Тешигини къатында, чычхан да батыр болур.
- Кийиминг бла танылма, адамлыкъ бла таныл.
- «Ма», - дегенни билмесенг, «бер», - дегенни билмезсе.
- Байдан умут эте, джарлыдан ёгюз багъасы къорады.
Профиль
|
|
|||