- Зарда марда джокъ.
- Бойнуму джети джерден кессенг да, мен ол ишни этеллик тюлме.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Сормай – алма, чакъырылмай – барма.
- Къарнынг къанлынга кийирир.
- Ишлемеген – тишлемез.
- Аманнга да, игиге да оноусуз къатышма.
- Джаным-тиним – окъуу, билим.
- Эрине къаргъыш этген къатын, эрнин къабар.
- Уллу къашыкъ эрин джыртар.
- Къонакъ аман болса, къонакъбай джунчур
- Киштикге къанат битсе, чыпчыкъ къалмаз эди.
- Башсыз урчукъ тюзюне айланмаз.
- Кёбню кёрген – кёб билир.
- Ашда уялгъан – мухар, ишде уялгъан – хомух.
- Къобан да къуру да къобханлай турмайды, адам да къуру да патчахлай турмайды.
- Тил – кесген бычакъ, сёз – атылгъан окъ.
- Сескекли кесин билдирир.
- Огъурлуну сёзю – суу, огъурсузну сёзю – уу.
- Чёбню кёлтюрсенг, тюбюнден сёз чыгъар.
- Кечеси – аяз, кюню – къыш, джарлы къаргъагъа бир аш тюш!
- Къонакъ аз олтурур, кёб сынар.
- Экеулен сёлеше тура эселе, орталарына барыб кирме.
- Рысхы – сют юсюнде кёмюк кибикди.
- Ёлген эшек бёрюден къоркъмайды.
- Чомартха хар кюн да байрамды.
- Сууда джау джокъ, кёб сёзде магъана джокъ.
- Ашаса, ашамаса да, бёрюню ауузу – къан.
- Адам сёзюнден белгили.
- Къозулугъунда тоймагъан, къойлугъунда тоймаз.
- Эркиши – от, тиширыу – суу.
- Къанны къан бла джуума, аманны аман бла къуума.
- Керти сёзге тёре джокъ.
- Баргъанынга кёре болур келгенинг.
- Ата Джуртун танымагъан, атасын да танымаз.
- Башынга джетмегенни сорма.
- Байны къызы баймакъ болса да, юйде къалмаз!
- Къарнынг тойгъунчу аша да, белинг талгъынчы ишле.
- Айран тёгюлсе, джугъусу къалыр.
- Тойгъа алгъа да барма, тойда артха да къалма.
- Эм уллу байлыкъ – джан саулукъ.
- Акъыл къартда, джашда тюйюлдю – башдады.
- Аз айтсам, кёб ангылагъыз.
- Къыйынлы джети элни къайгъысын этер.
- Джарлы тюеге минсе да, ит къабар.
- Тамырсыз терекге таянма – джыгъылырса.
- Аман адам элни бир-бирине джау этер.
- Таш ата билмеген, башына урур.
- Сибиртки да сыйлы болду, кюрек да кюнлю болду.
- Экеу тутушса, биреу джыгъылыр.
Профиль
|
|
|
|||