- Тил – кесген бычакъ, сёз – атылгъан окъ.
- Тюкюрюк баш джармаз, налат кёз чыгъармаз!
- Тюз сёз баргъан сууну тыяр.
- Баланы адам этген анады.
- Байлыкъ болгъан джерде, тынчлыкъ джокъду.
- Окъугъан озар, окъумагъан тозар.
- Чакъырылмай келген къонакъ сыйланмай кетер.
- Минг тенг да азды, бир джау да кёбдю.
- Ашлыкъны арба юйге келтирир, чана базаргъа элтир.
- Нарт сёз къарт болмаз.
- Элни кючю – эмеген.
- Джюрекден джюрекге джол барды.
- Адамгъа аман кюн соруб келмейди.
- Сакъалы текени да бар, мыйыгъы киштикни да бар.
- Хазыр ашха – терен къашыкъ.
- Ана къойну – балагъа джандет.
- Ашыкъгъан cуу, тенгизге джетмез.
- Сагъыш – къартлыкъгъа сюйюмчю.
- Сютню башын джалагъан къутулур, тюбюн ичген тутулур.
- Ачылгъан эт джабылыр, кёрген кёз унутмаз.
- Мени джылытмагъан кюн, меннге тиймесин!
- Рысхы – насыбха къор.
- Къарны аманнга къазан такъдырма, къолу аманнга от джакъдырма.
- Къазанда болса, чолпугъа чыгъар.
- Ишленмеклик адамлыкъды.
- Артына баргъанны, къатына барма.
- Джашлыкъ этмеген, башлыкъ этмез.
- Ач уят къоймаз.
- Сууда джау джокъ, кёб сёзде магъана джокъ.
- Ишленмеген джаш – джюгенсиз ат, ишленмеген къыз – тузсуз хант.
- Халкъны юйю – туугъан джери.
- Мухардан ач ычхынмаз.
- Арпа, будай – ащды, алтын, кюмюш а – ташды.
- Ашда – бёрю, ишде – ёлю.
- Кёб ант этген, кёб ётюрюк айтыр.
- Джарлы тюеге минсе да, ит къабар.
- Кюлме джашха – келир башха.
- Бек ашыкъгъан меннге джетсин, дегенди аракъы.
- Адамны сыфатына къарама, сёзюне къара.
- Айранын берсенг, челегин да къызгъанма.
- Накъырда – кертини келечиси.
- Керти сёзге тёре джокъ.
- Аз айтсам, кёб ангылагъыз.
- Аджашханны ызындагъы кёреди, джангылгъанны джанындагъы биледи.
- Ариуну – ауруу кёб.
- Джюрекге ариу – кёзге да ариу.
- Агъач халкъгъа алтынды, иссиликге салкъынды.
- Ётюрюкню башын керти кесер.
- Сабыр джетер муратха, сабырсыз къалыр уятха.
- Айтхан сёзюне табылгъан.
Профиль
|
|
|||