- Ач къарынны, токъ билмез
- Байны къызы баймакъ болса да, юйде къалмаз!
- Бозаны арты дауур болур.
- Аууз сакълагъан – джан сакълар.
- Таукел адам тау тешер.
- Мухар, кеси тойса да, кёзю тоймаз.
- Ёлген ийнек сютлю болур.
- Ариу сёзде ауруу джокъ.
- Байлыкъ адамны сокъур этер.
- Керек ташны ауурлугъу джокъ.
- Къар – келтирди, суу – элтди.
- Кечеси – аяз, кюню – къыш, джарлы къаргъагъа бир аш тюш!
- Атынг аманнга чыкъгъандан эсе, джанынг тамагъынгдан чыкъсын.
- Ата – баланы уясы.
- Тик ёргени, тик энгишгеси да болады.
- Аманнга игилик этсенг, юйюнге сау бармазса.
- Къартха ушагъан джаш – акъыллы, джашха ушагъан къарт – тели.
- Ана кёлю – балада, бала кёлю – талада.
- Ана – юйню кюн джарыгъы.
- Аджалсыз ёлюм болмаз.
- Кёб къычыргъандан – къоркъма, тынч олтургъандан – къоркъ.
- Дуния мал дунияда къалады.
- Эшекге миннген – биринчи айыб, андан джыгъылгъан – экинчи айыб.
- Чомартны къолу берекет.
- Бермеген къол, алмайды.
- Шапа кёб болса, аш татымсыз болур.
- Окъдан джара эртде-кеч болса да бителир, сёз джара, ёмюрге къалыр.
- Ышармагъан – кюлмез, кюлмеген – къууанчны билмез.
- Элни кючю – эмеген.
- Аллахдан тилесенг, кёб тиле.
- Къошда джокъгъа – юлюш джокъ.
- Тамырсыз терекге таянма – джыгъылырса.
- Сангырау къулакъ эл бузар.
- Джолда аягъынга сакъ бол, ушакъда тилинге сакъ бол.
- Тёзгеннге, джабылгъан эшик ачылыр.
- Нафысынгы айтханын этме, намысынгы айтханын эт.
- Акъыл къартда, джашда тюйюлдю – башдады.
- Ач отунчуну ачыуу – бурнунда.
- Къоркъакъны кёзю экили кёрюр.
- Къыйынлы джети элни къайгъысын этер.
- Джашны джигитлиги сорулур, къызны джигерлиги сорулур.
- Джумушакъ терекни къурт ашар.
- Алим болгъандан эсе, адам болгъан къыйынды.
- Ана къойну – балагъа джандет.
- Айныгъанлы алты кюн, тогъайгъанлы тогъуз кюн.
- Ашхы – джыяр, аман – джояр.
- Къонакъ аман болса, къонакъбай джунчур
- Билеги кючлю, бирни джыгъар, билими кючлю, мингни джыгъар.
- Къолунгдан къуймакъ ашатсанг да, атаны борчундан къутулмазса.
- Ач – эснер, ат – кишнер.
Профиль
|
|
|||