- Адам туугъан джеринде, ит тойгъан джеринде.
- Бек анасы джыламаз.
- Нарт сёз – тилни бети.
- Юреннген ауруу къалмаз.
- Къыз тиширыу кеси юйюнде да къонакъды.
- Этни да ашады, бетни да ашады.
- Узун джолну барсанг, бюгюн келирсе, къысха джолну барсанг, тамбла келирсе.
- Минг тенг да азды, бир джау да кёбдю.
- Ишленмеклик адамлыкъды.
- Термилгенинги табмазса, кюлгенинге тюберсе.
- Ышармагъан – кюлмез, кюлмеген – къууанчны билмез.
- Тойгъа алгъа да барма, тойда артха да къалма.
- Чоюнну башы ачыкъ болса, итге уят керекди.
- Джырчы джырчыгъа – къарнаш.
- Артына баргъанны, къатына барма.
- Бети къызарыучу адамны, джюреги харам болмаз.
- Бал ашаргъа сюе эсенг, чибин ургъаннга тёз.
- Адам боллукъ, атламындан белгили болур.
- Атынг аманнга чыкъгъандан эсе, джанынг тамагъынгдан чыкъсын.
- Чомартха Тейри да борчлуду.
- Сибиртки да сыйлы болду, кюрек да кюнлю болду.
- Аякъларынгы джууургъанынга кёре узат.
- Кёкдеги болмаса, джердегин кёрмейди.
- Ёлген ийнек сютлю болур.
- Айранны сюйген, ийнек тутар.
- Джюз элде джюз ёгюзюм болгъандан эсе, джюз джууугъум болсун.
- Душманны тышы – акъ, ичи – къара.
- Урунуу – насыбны анасы.
- Къонагъынгы артмагъын алма да, алгъышын ал.
- Айтхан – тынч, этген – къыйын.
- Ачыу алгъа келсе, акъыл артха къалады.
- Билимден уллу байлыкъ джокъду.
- Билим къая тешер.
- Кийиминг бла танылма, адамлыкъ бла таныл.
- Тюз сёз баргъан сууну тыяр.
- Чакъырылгъанны аты, чакъырылмагъанны багъасы болур.
- Зарда марда джокъ.
- Байлыкъдан саулукъ ашхыды.
- Къарнынг къанлынга кийирир.
- Киштикге къанат битсе, чыпчыкъ къалмаз эди.
- Тилчиден кери бол.
- Тенги кёбню джау алмаз, акъылы кёбню дау алмаз.
- Эл ауузу – элия.
- Ашхылыкъ джерде джатмайды, аманлыкъ суугъа батмайды.
- Азыкълы ат арымаз, къатыны аман джарымаз.
- Алма терегинден кери кетмез.
- Ашыкъгъан cуу, тенгизге джетмез.
- Окъдан джара эртде-кеч болса да бителир, сёз джара, ёмюрге къалыр.
- Эринчекни эр алмаз, эр алса да, кёл салмаз, кёл салса да, кёб бармаз!
- Келинни – келгинчи, бёркню кийгинчи кёр.
Профиль
|
|
|
|||